Lo ministre de la defensa de la Republica Chèca, Martin Stropnický, declarèt diluns passat que refusava d’aculhir un contingent permanent de l’OTAN dins son país, segon çò que rapòrta Reuters.
E mai se l’OTAN justifica sa preséncia pr’amor de la situacion en Ucraïna, lo ministre declarèt: “sabèm ben que tota preséncia origina de problèmas”, e apondèt que los chècs se remembran plan de l’invasion sovietica de 1968. Pasmens, Stropnický declarèt qu’el sosten l’ampliacion de la cooperacion amb l’OTAN amb d’exercicis militars.
Las declaracions del ministre chèc seguissián l’anonci del comandant de l’OTAN en Euròpa, l’estatsunidenc Philip Breedlove, disent que de contingents permanents de l’Aliança Atlantica deurián restar dins los païses de l’èst d’Euròpa a causa de la tension en Ucraïna.
E mai se l’OTAN justifica sa preséncia pr’amor de la situacion en Ucraïna, lo ministre declarèt: “sabèm ben que tota preséncia origina de problèmas”, e apondèt que los chècs se remembran plan de l’invasion sovietica de 1968. Pasmens, Stropnický declarèt qu’el sosten l’ampliacion de la cooperacion amb l’OTAN amb d’exercicis militars.
Las declaracions del ministre chèc seguissián l’anonci del comandant de l’OTAN en Euròpa, l’estatsunidenc Philip Breedlove, disent que de contingents permanents de l’Aliança Atlantica deurián restar dins los païses de l’èst d’Euròpa a causa de la tension en Ucraïna.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari