Actualitats
De manifestacions de decepcion e qualques fiuladas pel filme Gràcia de Mónegue al Festenal de Canas
Dimècres de ser comencèt lo festenal de cinèma de Canas (Vencenc). Amb la preséncia de Nicole Kidman se presentèt lo filme Gràcia de Mónegue qu’ela protagoniza. Lo filme foguèt fòrça criticat, e mai s’ausiguèt de fiuladas pendent la session. La premsa especializada es d’acòrdi amb la familha princièra de Mónegue per ne metre en question la versemblança. Per contra, se reconeis la bona òbra de Nicole Kidman.
Nicole Kidman e lo director Olivier Dahan defendèron lo filme. L’actritz reconeguèt qualques licéncias mas segon ela tot s’es fach amb respècte e afeccion cap als protagonistas de l’istòria.
Lo filme explica la vida de Grace Kelly, l’actritz estatsunidenca que se maridèt amb lo prince Rainièr de Mónegue e que moriguèt en un accident d’auto en 1982.
Ièr dijòus se consagrèt la segonda jornada del festenal a la competicion. Se passèt Mr. Turner, un drama biografic sus un pintor romantic dirigit per l’anglés Mike Leigh, e tanben se poguèt veire Timbuktu del director mauritan Abderrahmane Sissako.
Al total son 18 filmes que competisson per obténer la Palma d’Aur del festenal, que serà balhada per una jurada mai que mai femenina, dont Jane Campion, la sola femna qu’a obtengut una Palma d’Aur.
Treilèr de Gràcia de Mónegue:
Nicole Kidman e lo director Olivier Dahan defendèron lo filme. L’actritz reconeguèt qualques licéncias mas segon ela tot s’es fach amb respècte e afeccion cap als protagonistas de l’istòria.
Lo filme explica la vida de Grace Kelly, l’actritz estatsunidenca que se maridèt amb lo prince Rainièr de Mónegue e que moriguèt en un accident d’auto en 1982.
Ièr dijòus se consagrèt la segonda jornada del festenal a la competicion. Se passèt Mr. Turner, un drama biografic sus un pintor romantic dirigit per l’anglés Mike Leigh, e tanben se poguèt veire Timbuktu del director mauritan Abderrahmane Sissako.
Al total son 18 filmes que competisson per obténer la Palma d’Aur del festenal, que serà balhada per una jurada mai que mai femenina, dont Jane Campion, la sola femna qu’a obtengut una Palma d’Aur.
Treilèr de Gràcia de Mónegue:
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari