Actualitats
An ja començat las detencions dins l’estat espanhòl pels piulets sus Twitter
En seguida de l’assassinat de la politiciana Isabel Carrasco, perpetrat diluns passat
Aquesta setmana lo ministre espanhòl de l’interior anoncièt que se contrarotlariá Twitter e d’autres rets socials per reprimir los comentaris “injurioses”, en seguida de l’assassinat diluns passat d’Isabel Carrasco, la presidenta de la Diputacion de Leon, qu’èra una figura polemica per sa gestion politica e per sas tretze cargas amb de salaris nauts.
Lo primièr detengut foguèt un jove de dètz e nòu ans del País Valencian “per aver exprimit sa conformitat” amb aquel assassinat. Dins lo fiulet postat pel jove se podiá legir “es atal que cal far, diable! Los cal tuar totes!!!!” O ben d’autres que disián “Que los metan totes en fila los unes al costat dels autres e que me donen un AK-47, e veiretz cossí finissi totes aqueles filhs de puta faissistas de mèrda.” Lo jove foguèt detengut dijòus per la gàrdia civila, e son ordenador, material informatic e telefòn mobil foguèron sasits per los examinar. Divendres lo metèron en libertat, mas encara inculpat.
Lo segond enquestat es un jove andalós de 19 ans que publiquèt un vidèo sus YouTube ont el canta una cançon que justifica l’assassinat d’Isabel Carrasco. Aqueste segond jove, a la diferéncia del primièr, es pas estat detengut. Pasmens, los dos son acusats de “tractament degradant”, çò qu’es punit amb de penas d’entre sièis meses e dos ans de preson; e tanben de “provocacion a la discriminacion, l’asirança o la violéncia”, quicòm de punit entre un e tres ans de preson.
“Cal netejar lo ret d’indesirables”
Lo ministre espanhòl de l’interior, Jorge Fernández Díaz, assegurèt dimècres passat qu’estudiariá las mesuras que pòt prene son ministèri per combatre los comentaris insultants sus Internet, en seguida de l’assassinat d’Isabel Carrasco. “Cal netejar lo ret d’indesirables”, çò diguèt.
Lo ministre lia aquel assassinat amb la cibervioléncia contra son partit. Ça que la, segon l’enquèsta s’agiriá d’un reglament de comptes e son detengudas doas femnas, l’esposa e la filha del cap de la polícia de Leon, que serián de sòcias del Partit Popular. Una tresena detenguda es una policièra que liurèt l’arma del crime.
Lo primièr detengut foguèt un jove de dètz e nòu ans del País Valencian “per aver exprimit sa conformitat” amb aquel assassinat. Dins lo fiulet postat pel jove se podiá legir “es atal que cal far, diable! Los cal tuar totes!!!!” O ben d’autres que disián “Que los metan totes en fila los unes al costat dels autres e que me donen un AK-47, e veiretz cossí finissi totes aqueles filhs de puta faissistas de mèrda.” Lo jove foguèt detengut dijòus per la gàrdia civila, e son ordenador, material informatic e telefòn mobil foguèron sasits per los examinar. Divendres lo metèron en libertat, mas encara inculpat.
Lo segond enquestat es un jove andalós de 19 ans que publiquèt un vidèo sus YouTube ont el canta una cançon que justifica l’assassinat d’Isabel Carrasco. Aqueste segond jove, a la diferéncia del primièr, es pas estat detengut. Pasmens, los dos son acusats de “tractament degradant”, çò qu’es punit amb de penas d’entre sièis meses e dos ans de preson; e tanben de “provocacion a la discriminacion, l’asirança o la violéncia”, quicòm de punit entre un e tres ans de preson.
“Cal netejar lo ret d’indesirables”
Lo ministre espanhòl de l’interior, Jorge Fernández Díaz, assegurèt dimècres passat qu’estudiariá las mesuras que pòt prene son ministèri per combatre los comentaris insultants sus Internet, en seguida de l’assassinat d’Isabel Carrasco. “Cal netejar lo ret d’indesirables”, çò diguèt.
Lo ministre lia aquel assassinat amb la cibervioléncia contra son partit. Ça que la, segon l’enquèsta s’agiriá d’un reglament de comptes e son detengudas doas femnas, l’esposa e la filha del cap de la polícia de Leon, que serián de sòcias del Partit Popular. Una tresena detenguda es una policièra que liurèt l’arma del crime.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari