La vila lemosina de Tula ven de nos estonar fòrça positivament. An installat cinc panèls amb lo nom de la vila en occitan, çò rapòrtan La Montagne e L’Écho.
“Se parla d’entitat lingüistica, Lemosin es 100% occitan”, çò declara a L’Écho Domenja Decamps, professora d’occitan al collègi de Selhac. Es ela que la vila a consultada per escriure lo nom de la vila coma cal.
Al delà d’aquò, la municipalitat de Tula a tanben projectat de far l’occitan de mai en mai visible amb los panèls del centre vila. “Un trabalh es a se menar emb l’ofici de torisme”, çò declara a L’Écho Josiane Brassac-Dijoux, adjoncha al cònsol de Tula. Quitament las autras comunas de l’aglomeracion poirián lèu normalizar lor senhaletica en la lenga del país, “mas aquò es encara un projècte”.
_____
L’Écho: ’Chabatz d’entrar a Tula
“Se parla d’entitat lingüistica, Lemosin es 100% occitan”, çò declara a L’Écho Domenja Decamps, professora d’occitan al collègi de Selhac. Es ela que la vila a consultada per escriure lo nom de la vila coma cal.
Al delà d’aquò, la municipalitat de Tula a tanben projectat de far l’occitan de mai en mai visible amb los panèls del centre vila. “Un trabalh es a se menar emb l’ofici de torisme”, çò declara a L’Écho Josiane Brassac-Dijoux, adjoncha al cònsol de Tula. Quitament las autras comunas de l’aglomeracion poirián lèu normalizar lor senhaletica en la lenga del país, “mas aquò es encara un projècte”.
_____
L’Écho: ’Chabatz d’entrar a Tula
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 Lo panèl tan melhor Pr'aquò nos cal ajustar lo nòstre content a la realitat : Lo panèl servis pas a ren... per ara. Mas segur cal contunhar los panèls.
Per ausir l'occitan as que de far une legida publica en lenga nòstre al mercat, e vos n'en prègui cap de beret sul morre es en "costuma que se far la legida , te podes cargar una jupa atanben es de mòda crèsi saber.
E ben, siatz braves! E lo paneu qu'es tròp pichòt, e la contribucion de la comuna qu'es tròp baissa, e la lenga que s'ausís pas per lei charrièras de Tula... Lo paneu farà pas tot, e lo sabèm totes, mai qué chaudriá far? Chaudriá refusar lo paneu perque es mai pichòt qu'aqueu qu'es en francés? Ambe lei collegians, sabo pron l'utilitat d'un paneu en occitan, qu'es per elei la sola marca dau nom de sa vila en occitan. Es per elei lo sole biais qu'en d'o saupre, e se demandan pas se la talha es pas egala ò se lo còst es mendre que lo paneu en francés... Tant vau avançar que ren far (e que renar).
òsca a Domenja Decamps per son trabalh per aquò far, e per son trabalh de professor a Selhac!
Aquò rai bona causa pr'aquò es plan pichon aquel panel ! De mon vejaire auriai melhor aimar d'aver cap de panèl e ausir l'occitan entà Tula.
Se degun charra l'òc a de que servis aquel panèl : far polit per los toristas ?
Dison que cada panèl còsta 69 € fòra talha. Per 5 panèl fa 414 €.
414 € TTC: aquò es lo prètz de la contribucion de Tula, ciutat tant tant aimada del president franchimandn per l'occitan!
Paura Occitània!
Esite entre dos comportaments:
- Se siáu optmista dirai qu'un panèu lilipucian es totjorn melhor que pas ren.
- Se siáu realista dirai que la dignitat de la lenga es pas respectada e qu'un panèu occitan qu'a pas leis meteisseis caracteristicas tecnicas que lo panèu francés afortís la diglossia.
Extrach deis preconizacions de l'IEO:
"Lo panèu en occitan aurà leis meteissas colors, la meteissa tipografia, la meteissa grandor"
http://www.ieo-oc.org/IMG/pdf/pub2013_externe_22012014-2.pdf
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari