CAPÇALERA PAIS INVISIBLE

Actualitats

Politica

Eleccions europèas: lo felen del responsable d’Auschwitz demanda que se vòte per arrestar los nazis

“Quand desmembram, l’istòria se repetís”, çò ditz dins lo vidèo d’una campanha contra l’abstencion

En Euròpa totes los partits d’ultradrecha creisson e ganhan de protagonisme. Es un dels perilhs de las eleccions europèas del 25 de mai que ven. Per aquò los joves del partit socialdemocrata suedés (SSU) an començat una campanha contra l’abstencion, #NeverForgetToVote, que i demandan de votar per arturar l’extrèma drecha.
 
La campanha es acompanhada d’un vidèo ont parla Rainer Höss, lo felen de Rudolf Höss, lo comandant nazi del camp de concentracion d’Auschwitz. Rainer Höss demanda que se vòte per evitar que lo passat se repetisca: “Podèm pas desmembrar lo nòstre passat e mai s’aquò nos fa mal. Perque quand desmembram, l’istòria se repetís. Avèm paur qu’aquò se passe ara. E se fasèm pas res es qu’avèm pas res aprés”.
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Batko
11.

#10
Aus Estats-Units, l'abstencion es calculada non pas a comptar deus inscrits mès a partir de la classa d'edat suspausada votar, çò que balha chifras d'abstencion hèra mès importants.

As rason de díser que l'abstencion de tot biaish servís pas de hèr progressar la democracia vertadièra, çò que pòt servir es la presa de consciéncia de la diferéncia democracia / democracia representativa.

L'abstencion servís pas de ren, es segur (pas mensh totun que votar), mès es una coherença de's botar pas dens un sistèma qu'es sentit coma pas bon.

  • 2
  • 0
Gerard Joan Barceló Pèiralata
10.

#6 Non sai... I a fòrça abstencion als Estats Units mas aquò non a pas fach progressar la democracia dirècta e lo bipartidisme i es rei.

  • 2
  • 0
Batko
9.

#8
Segon la propaganda (russa o occidentala), çò que's debana en Crimèa se pòt comparar a la Liberacion (1944) o a l'invasion. Depen se lo jornau publica las fòtos deus soldats mascats o deus soldats mascats dambe la populacion civila qui'u hè la hèsta e se preng en fòto a costat dambe los dròlles un dimenge.
Aqueras fòtos son estadas interditas en çò nòste.

  • 1
  • 0
Lachaud Pierre Dournazac (87)
8.

De segur l'istòria se repeta. Avam la sensacion que çò que se passe en Crimée s'es deja passat fai quauque segla. Dins la familha se passe la mesma causa coma si l'esser uman era butit a evoluar, a comprener que quo-es ilh e ilh sol qu'es responasable de las rivalitats, de las gueras. Tant qu'avem pas aprengut aquò lo passat tornara e lo futur podra pas venir.
Que chau comprener? L'òm pòd pas damandar a l'autre de far la patz si la patz es pas dins son còr. Dins lo nazisme o lo stalinisme i a un bocin dau catolicisme (pensar a l'inquisicion). Quo-es mas doas faças opausadas d'una mesma realitat. Botatz la patz dins vòstre còr entre le lion que rala, que rospeta,, que se bòta en colera, qu'es jalos, orguelhos, e lo lion qu'es calme, tranquile, tottjorn preste a vos aidar, a vos donar de bons conselhs, a vos aimar. Chaque còp qu'i a una disputa, un conflit chausiguetz la votz d'amor. Pensatz qu'en faça de vos, i a un bocin de vòstre.

  • 3
  • 0
Gerard Joan Barceló Pèiralata
7.

#5 Soi conscient qu'es pas perfièch mas, malgrat tot, lo Parlament europèu a tostemps mai de poder, e es lo sol organ de decision que los ciutadans pòdon causir del biais mai democratic. Podèm pas criticar la manca de democracia en Europèa en tot daissar ganhar l'extrèma drecha, antieuropèa e antidemocratica.

  • 3
  • 1

Escriu un comentari sus aqueste article