Actualitats
Lo govèrn de Galas admet lo “bas nivèl” dels resultats de l’ensenhament del galés dins las escòlas de lenga veïculara anglesa
Lo primièr ministre reconeis que cal cambiar la manièra d’ensenhar la lenga per que los escolans sián competents en galés
Las escòlas de Galas qu’an l’anglés coma lenga veïculara mòstran un “bas nivèl” en l’aprendissatge del galés, demest los escolans de 3n e 4n gra (d’11 a 16 ans), una situacion qu’“es pas acceptabla”, çò diguèt lo ministre de l’educacion de Galas, Huw Lewis. Lo primièr ministre de Galas, Carwyn Jones, a reconegut que la manièra d’ensenhar lo galés dins aquelas escòlas “deu cambiar” per que totes los escolans del país aqueriscan una coneissença “competenta” de la lenga celtica.
Es la reaccion del govèrn galés a un rapòrt comandat al Review Group, que deviá analisar cossí s’apren lo galés dins las escòlas de Galas amb l’anglés coma lenga veïculara. Aqueles centres amassan entre 75 e 80% de las escòlas del país, e l’immensa majoritat de lors escolans son de lenga iniciala anglesa.
Mas la revision del sistèma arribarà pas abans un an, çò a denonciat Cymdeithas, l’organizacion en favor de la lenga galesa. L’entitat, qu’a adreiçat una letra a Jones, ditz que se percep una “manca de consciéncia de la part del govèrn sus la crisi a la quala s’afronta la lenga”.
Aquesta nòva es adaptada del jornal catalan Nationalia, amb qui Jornalet a un acòrdi de cooperacion.
Es la reaccion del govèrn galés a un rapòrt comandat al Review Group, que deviá analisar cossí s’apren lo galés dins las escòlas de Galas amb l’anglés coma lenga veïculara. Aqueles centres amassan entre 75 e 80% de las escòlas del país, e l’immensa majoritat de lors escolans son de lenga iniciala anglesa.
Mas la revision del sistèma arribarà pas abans un an, çò a denonciat Cymdeithas, l’organizacion en favor de la lenga galesa. L’entitat, qu’a adreiçat una letra a Jones, ditz que se percep una “manca de consciéncia de la part del govèrn sus la crisi a la quala s’afronta la lenga”.
Aquesta nòva es adaptada del jornal catalan Nationalia, amb qui Jornalet a un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
De que dèu saber un mainatge al cap d'un an d'escòla mairala ? Al cap de doas annadas ? e seguent....
Eissit de l'escòla mairala dèu aver un nivèl d'occitan estimat a una mesura "x". Mesura "x" qu'es çò pus mai que s'encontra en eissida d'escòla mairala.. ont ne son los calandrons nòstres ?
Daumatge per la fòto — es l'escòla galesa de Londres... (Llundain = Londres)
#1 Aurias rason que m'estonaria brica !
Caldria un vertadièr projecte de l'ensenhament de l'occitan dins totes los nivels. A saber una mesura de la qualitat rapòrt als objectius establit e botar en plaça la melhorança de contunh. Aqueles processus existisson ja e son en plaça dins mantunas entrepresas o organizacion.
Nos podem pus far nòstre content d'ensenhar l'occitan coma es auèi. I Se dèu siègre menimosament tot l'ensenhament e las resultats.
Los apleches còstan ren de ren sufis de los botar en palça. Pels que sarian un briu atrevats amb aquò anar vèire LEAN e ITIL.
M'agradariá saber s'i a un estudi similar qu'es estat fait per l'occitan e se òc, ont ne trapar lo rapòrt. Mas seriái surprés que quicòm de seriós foguèsse estat fait. L'educacion estatala es gromanda de tota mena d'estatisticas mas pas las que mostrarián de causas que vòlon pas mostrar.
Discutir sus las oras d'ensenhament es plan, sul nombre de pòstes son de nòblas activitats, mas me sembla que çò essencial es que lo public se renda compte de l'impacte de l'ensenhament de l'occitan e per o far i a pas qu'un estudi independent sul nivèl en lenga dels escolans qu'o pòsca far. Sens aqueste diagnosis, i a pas cap de referéncia.
Ben segur, un estudi seriós e scientific se tornariá far regularament e se fariá segons las nòrmas europèas. Pensi qu' un rapòrt d'aquesta mena, foguèsse favorable, donariá legitimitat a l'ensenhament de l'occitan e als sieus ensenhaires.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari