Un grop de scientifics a descobèrt una nòva espècia de dinosaure que poiriá èsser lo mai grand que jamai a existit, qu’auriá viscut fa aperaquí 100 milions d’ans. Ne desterrèron las setmana passada aperaquí 150 òsses fossilizats de sèt exemplars dins lo desèrt de Patagònia.
 
Sas dimensions serián de 40 mètres de long, del cap a la coa, e de 20 mètres de naut, dels pès al cap amb lo còl estirat. Auriá pesat aperaquí 77 tonas, es a dire, 7 tonas mai pesuc que lo segond animal mai grand descobèrt fins ara, l’argentinosaure.
 
La nòva espècia a pas cap de nom encara, mas la còla que mena a tèrme las excavacions an assegurat als mèdias que lo nom onorarà l’endrech on s’es trobat e lo grop de bordièrs que trapèt las rèstas, près de la vila de La Flecha, a qualques 250 quilomètres de Trelew.
 
La còla scientifica crei que s’agís d’una nòva espècia de sauropòde, un erbivòr gigant de la fin del periòde cretacèu.