Actualitats
Kerviel s’es liurat a la polícia a Menton après una marcha de protèsta de tres meses
Lo trader breton, condemnat per provocar de pèrdas a la banca Société Générale, se liurèt fin finala a la polícia, après una marcha de protèsta de tres meses en Itàlia
Jérôme Kerviel, lo trader breton qu’en 2008 faguèt tremolar la banca francesa Société Générale perque generèt d’enòrmas pèrdas —çò dison—, se liurèt aquesta dimenjada a la polícia francesa a Menton, après traversar la frontièra. Kerviel es condemnat a tres ans de preson e se deviá presentar a Menton abans mièjanuèch de dimenge. E mai s’aviá manifestat que refusava de se liurar quand èra dins lo territòri de l’estat italian, lo trader traversèt la frontièra francoitaliana qu’an mesa entre Ventemilha e Menton, ont dos policièrs de l’estat francés lo detenguèron.
Kerviel èra a Ventemilha (Ligúria) en tot arribar d’una marcha de protèsta que faguèt a pè dempuèi Roma pendent tres meses. Un còp près de la frontièra, lo trader assegurèt als mèdias que refusava de se liurar a la justícia francesa sens s’entrevistar abans amb lo president François Hollande. Kerviel voliá demandar a Hollande una “proteccion” per certans testimònis potencials, davant las “disfoncions del sistèma judiciari”. Hollande escotèt pas sa demanda, mas Kerviel se liurèt fin finala, davant la menaça d’un mandat de recèrca internacional.
L’avián condemnat a tres ans de preson per aver provocat 4,9 miliards d’èuros de pèrdas a la banca Société Générale, en tot amagar d’investiments marrits en de produches de risc. El se considèra la victima d’un sistèma que la banca emplegava per multiplicar son profièch: es una estrategia que capitèt mal e, alavetz, s’inculpèt Kerviel d’aquel malastre. “Soi pas colpable, me metrai pas de genolhs davant una decision injusta”, çò afirmèt lo trader.
E mai se la Cort Suprèma confirmèt la pena de tres ans de preson, l’entorn de Kerviel considèra qu’es pas possible qu’un simple trader aja pogut provocar aquelas pèrdas dins la banca sens que sos superiors remarquèsson pas res.
Kerviel èra a Ventemilha (Ligúria) en tot arribar d’una marcha de protèsta que faguèt a pè dempuèi Roma pendent tres meses. Un còp près de la frontièra, lo trader assegurèt als mèdias que refusava de se liurar a la justícia francesa sens s’entrevistar abans amb lo president François Hollande. Kerviel voliá demandar a Hollande una “proteccion” per certans testimònis potencials, davant las “disfoncions del sistèma judiciari”. Hollande escotèt pas sa demanda, mas Kerviel se liurèt fin finala, davant la menaça d’un mandat de recèrca internacional.
L’avián condemnat a tres ans de preson per aver provocat 4,9 miliards d’èuros de pèrdas a la banca Société Générale, en tot amagar d’investiments marrits en de produches de risc. El se considèra la victima d’un sistèma que la banca emplegava per multiplicar son profièch: es una estrategia que capitèt mal e, alavetz, s’inculpèt Kerviel d’aquel malastre. “Soi pas colpable, me metrai pas de genolhs davant una decision injusta”, çò afirmèt lo trader.
E mai se la Cort Suprèma confirmèt la pena de tres ans de preson, l’entorn de Kerviel considèra qu’es pas possible qu’un simple trader aja pogut provocar aquelas pèrdas dins la banca sens que sos superiors remarquèsson pas res.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
degun a relevat lo curat a costat de Kerviel... Cf. lo còl roman.
#4 Qu'ac nuançarí drin. Totòm que pòt cambiar. Lo Kerviel qu'ei lo purmèr a reconéisher qu'èra "un connard", e que's ditz vergonhós d'aver participat en un sistèma hòu. Lhèu qu'a totun aprés quauquarrei ?
Que's hèsqui la pena (ne complirà pas los tres ans, aquò rai). Mes se n'a per díser suu sistèma en tant qu'insider, que'u cau enténer. Ne'u cau pas har carar e deishar en ua sot mentre que batalhons de "connards" e contunhan lo business as usual.
Kerviel fut un collabo du système ultra-libéral et n'y voyait pas d'inconvénients à l'époque où il se gobergeait. Le système le lâche aujourd'hui, les collabos sont toujours lâchés par les maîtres qu'ils ont cru bon de servir. Il mérite ce qui lui arrive ce jeune trader arrogant et faussement repenti. J'espère que cela servira d'avertissement à tous les autres collabos et traitres au service du système, partout où ils se trouvent. La City, Wall Street et l'UE, gentille servante de l'oligarchie mondialiste, vont nous détruire avec l'aide volontaire de salauds comme Kerviel. Qu'il fasse ses trois années de trou et la ferme définitivement.
Fosc...
I auré un(a) jornaletista qui auré escotat o lejut çò que ditz lo Kerviel, que's poscam har ua opinion en entenent las duas partidas?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari