Actualitats
Lo govèrn espanhòl exigís de reduire TV3 a la mitat
“Vòlon restrénher al maxim la Television de Catalonha”, çò diguèt lo pòrtavotz del govèrn catalan que parlèt d’un “atac contra la lenga catalana”
Lo govèrn espanhòl a exigit que la Generalitat de Catalonha barre la mitat dels canals de television publics de Catalonha, de uèch a quatre, segon çò qu’expliquèt lo pòrtavotz del govèrn catalan, Francesc Homs, en una conferéncia de premsa exprèssa; que diguèt que lo govèrn espanhòl o ordenava per una “aparéncia tecnica”.
L’estat espanhòl farà una lei, abans l’estiu, per que las comunautats autonòmas solament pòscan emetre per un multiplèx de television. “Basats sus una question en aparéncia tecnica, qu’es coma se distribuís l’espaci radioelectric, nos an comunicat que se deu liberar la mitat de l’espaci qu’ocupa la Corporacion Catalana dels Mèdias Audiovisuals”, çò detalhèt Homs. “Emplegam dos multiplèxes o blòcs d’espacis per emetre de canals divèrses, e ara un dels dos lo poirem pas pus emplegar”.
Aquò fariá que la Television de Catalonha passariá de uèch canals a quatre. A l’ora d’ara n’ocupa cinc: TV3 qu’es lo canal principal de television; TV3 HD qu’es TV3 en nauta definicion; 33-Super 3 qu’es la fusion del canal pels enfants e del canal cultural; Esport 3 qu’es lo canal dels espòrts; e enfin 3/24 qu’es lo canal de 24 oras jornalièras d’informacions e ont cada jorn, a 16h45, las informacions se passan en occitan.
“Aquò ven de fòrça meses de comunicacions e ensages de negociacion de la nòstra part, e de letras que son quitament sens responsas”, çò diguèt Homs. Se se confirma aquela decision espanhòla, i auriá tres consequéncias immediatas: lo barrament de qualques canals de la Television de Catalonha, aver de renonciar a la nauta definicion e renonciar definitivament a la reciprocitat, es a dire a la possibilitat de veire la television de las Illas Balearas e d’un possible nòu canal de tèle del País Valencian.
Homs a alertat que la decision del govèrn espanhòl “afectarà practicament e en exclusivitat los canals que TV3 esplecha”. “Malastrosament, lo govèrn espanhòl a de credibilitat quand se tracta de barrar de canals. Ne son capables. O fan, e sens cap de remòrs. Çò que los destorba, an tendéncia a ensajar d’o silenciar”, çò diguèt Homs, que soslinhèt qu’aquela decision èra pas brica una question tecnica: “Vòlon restrénher al maxim la Television de Catalonha”.
Las reaccions sus Twitter:
Tuits sobre "#tv3noestoca"
L’estat espanhòl farà una lei, abans l’estiu, per que las comunautats autonòmas solament pòscan emetre per un multiplèx de television. “Basats sus una question en aparéncia tecnica, qu’es coma se distribuís l’espaci radioelectric, nos an comunicat que se deu liberar la mitat de l’espaci qu’ocupa la Corporacion Catalana dels Mèdias Audiovisuals”, çò detalhèt Homs. “Emplegam dos multiplèxes o blòcs d’espacis per emetre de canals divèrses, e ara un dels dos lo poirem pas pus emplegar”.
Aquò fariá que la Television de Catalonha passariá de uèch canals a quatre. A l’ora d’ara n’ocupa cinc: TV3 qu’es lo canal principal de television; TV3 HD qu’es TV3 en nauta definicion; 33-Super 3 qu’es la fusion del canal pels enfants e del canal cultural; Esport 3 qu’es lo canal dels espòrts; e enfin 3/24 qu’es lo canal de 24 oras jornalièras d’informacions e ont cada jorn, a 16h45, las informacions se passan en occitan.
“Aquò ven de fòrça meses de comunicacions e ensages de negociacion de la nòstra part, e de letras que son quitament sens responsas”, çò diguèt Homs. Se se confirma aquela decision espanhòla, i auriá tres consequéncias immediatas: lo barrament de qualques canals de la Television de Catalonha, aver de renonciar a la nauta definicion e renonciar definitivament a la reciprocitat, es a dire a la possibilitat de veire la television de las Illas Balearas e d’un possible nòu canal de tèle del País Valencian.
Homs a alertat que la decision del govèrn espanhòl “afectarà practicament e en exclusivitat los canals que TV3 esplecha”. “Malastrosament, lo govèrn espanhòl a de credibilitat quand se tracta de barrar de canals. Ne son capables. O fan, e sens cap de remòrs. Çò que los destorba, an tendéncia a ensajar d’o silenciar”, çò diguèt Homs, que soslinhèt qu’aquela decision èra pas brica una question tecnica: “Vòlon restrénher al maxim la Television de Catalonha”.
Las reaccions sus Twitter:
Tuits sobre "#tv3noestoca"
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La junta progrèssa. Me triga lo mes de novembre !
Jamai lo PP quitarà pas de me far tornar las tripas ! An pas solament vergonha de dire qu'es per un afar tecnic !! Lo servici public dels mèdias en catalan es de mai en mai amenaçat.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari