Teatre occitan a Tornafuèlha
L’associacion Lo Bolegatoish e l’Institut d’Estudis Occitans de Nauta Garona organizan lo 4 de junh de 2014 a 21h ua serada consagrada au teatre occitan a Tornafuèlha (Gasconha Tolosana) dens la sala prestigiosa de l’Escala.
Seràn representadas 3 pèças:
Las pèças seràn sostitoladas en francés.
Teatre del Platanièr
Estèc creat conjuntament en 2013 per l’associacion Lo Bolegatoish de l’Amicala Laïca de Tornefuèlha e l’Institut d’Estudis Occitans de Nauta Garona. Aquera tropa, tota navèra, formada d’apassionats, s’es impausada tre la debuta ua exigéncia de qualitat au servici deu teatre d’expression occitana. L’arribada de Pierre Meybeck, dens los sons 16 ans, a ahortit la coesion e l’estrambòrd de la tropa que desbòrda de projèctes.
Comèdia Occitana Tolzana
Estèc creada en 1978 peu comedian, òme de ràdio e de television Maurici Andrieu, dab lo pairinatge e la participacion de Laurent Terzieff. La tropa a hargat la soa reputacion en presentar a la debuta de las annadas 80 Lo mètge per fòrça, adaptacion per Maurici Andrieu eth medish de Lemédecin malgré lui.
Las pèças
Lo potonafe es en realitat un fotograf installat de fresc que vei arribar las soas duas primèras practicas, un parelh de venerables aujòus un drin lengassuts que se vienen tirar lo pertrèit. Peu “potonafe”, aquò va lèu virar au pantaish …
Lo sorcièr repentit: pr’amor que l’a prometut au curat, lo sorcièr non vòu pas mei contunhar la soa activitat totun profeitosa. Gahat peus escrupuls, non vòu pas mei enganar las practicas que, ça que la, se’n son sentidas melhor. La soa hemna l’arcasta, mes eth sembla de se tiéner segur…
Lo tambor de Bara es ua comèdia de mors que bota en scèna quauques defauts umans coma l’aganidèr, l’enveja, l’engana e l’orgulhosèr. Un parelh d’especièrs pas tròp escrupulós vòu profeitar d’ua oportunitat entà realizar un profieit confortable. Mès per aquò, los cau abusar de l’innocéncia d’un paure gojat. N’auràn lo hetge? Era, solide que òc, mes eth sembla mei mausegur…
L’emplec de la lenga occitana balha a las pèças ua truculéncia excepcionala e ahortís lo caractèr sociau deus racontes, uns personatges s’exprimint en francés.
Joan-Marc Leclercq
_____
Entrada: 12 èuros.
Entresenhas: +33 (0)6 85 53 87 23
L’associacion Lo Bolegatoish e l’Institut d’Estudis Occitans de Nauta Garona organizan lo 4 de junh de 2014 a 21h ua serada consagrada au teatre occitan a Tornafuèlha (Gasconha Tolosana) dens la sala prestigiosa de l’Escala.
Seràn representadas 3 pèças:
— Lo potonafe (15 minutas), peu Teatre del Platanièr.
— Lo sorcièr repentit (50 minutas), de Frederic Cairon, per la Comèdia Occitana Tolzana fondada per Maurici Andrieu.
— Lo tambor de Bara (40 minutas), d’Emili Barta, peu Teatre del Platanièr. Mesa en scèna: Lo Dàvid [Lou Dàvi].
— Lo sorcièr repentit (50 minutas), de Frederic Cairon, per la Comèdia Occitana Tolzana fondada per Maurici Andrieu.
— Lo tambor de Bara (40 minutas), d’Emili Barta, peu Teatre del Platanièr. Mesa en scèna: Lo Dàvid [Lou Dàvi].
Las pèças seràn sostitoladas en francés.
Teatre del Platanièr
Estèc creat conjuntament en 2013 per l’associacion Lo Bolegatoish de l’Amicala Laïca de Tornefuèlha e l’Institut d’Estudis Occitans de Nauta Garona. Aquera tropa, tota navèra, formada d’apassionats, s’es impausada tre la debuta ua exigéncia de qualitat au servici deu teatre d’expression occitana. L’arribada de Pierre Meybeck, dens los sons 16 ans, a ahortit la coesion e l’estrambòrd de la tropa que desbòrda de projèctes.
Comèdia Occitana Tolzana
Estèc creada en 1978 peu comedian, òme de ràdio e de television Maurici Andrieu, dab lo pairinatge e la participacion de Laurent Terzieff. La tropa a hargat la soa reputacion en presentar a la debuta de las annadas 80 Lo mètge per fòrça, adaptacion per Maurici Andrieu eth medish de Lemédecin malgré lui.
Las pèças
Lo potonafe es en realitat un fotograf installat de fresc que vei arribar las soas duas primèras practicas, un parelh de venerables aujòus un drin lengassuts que se vienen tirar lo pertrèit. Peu “potonafe”, aquò va lèu virar au pantaish …
Lo sorcièr repentit: pr’amor que l’a prometut au curat, lo sorcièr non vòu pas mei contunhar la soa activitat totun profeitosa. Gahat peus escrupuls, non vòu pas mei enganar las practicas que, ça que la, se’n son sentidas melhor. La soa hemna l’arcasta, mes eth sembla de se tiéner segur…
Lo tambor de Bara es ua comèdia de mors que bota en scèna quauques defauts umans coma l’aganidèr, l’enveja, l’engana e l’orgulhosèr. Un parelh d’especièrs pas tròp escrupulós vòu profeitar d’ua oportunitat entà realizar un profieit confortable. Mès per aquò, los cau abusar de l’innocéncia d’un paure gojat. N’auràn lo hetge? Era, solide que òc, mes eth sembla mei mausegur…
L’emplec de la lenga occitana balha a las pèças ua truculéncia excepcionala e ahortís lo caractèr sociau deus racontes, uns personatges s’exprimint en francés.
Joan-Marc Leclercq
_____
Entrada: 12 èuros.
Entresenhas: +33 (0)6 85 53 87 23
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari