Lo president d’onor del Front Nacional, Jean-Marie Le Pen, qu’es lo paire de Marine Le Pen e lo candidat FN a las eleccions europèas per l’èst d’Occitània, se mostrèt partisan d’un extermini massís d’africans. En una discussion de campanha amb lo cònsol FN de Cogolin (Mauras), lo candidat ultradrechista diguèt que l’Ebola pòt èsser una “solucion” contra “l’explosion demografica” en Africa. “Sénher Ebola” —coma el lo nomenèt— “pòt regular aquel fenomèn en tres meses”. L’Ebola es un virus que causa una malautiá plan servèra, caracterizada per de fèbres emorragicas e qu’es fòrça infecciosa e contagiosa. Afècta las bèstias e las personas.
Pendent son intervencion en Cogolin amb lo cònsol xenofòb de la vila occitana, Jean-Marie Le Pen alertèt que França es en “risc de s’esfondrar” per l’immigracion. E quitament diguèt que la populacion francesa es remplaçada per d’immigrants perque la natalitat en Euròpa es venguda mendre. Al delà, segon lo politician, lo fach qu’una partida dels immigrants sián cresents de la religion musulmana es un problèma mai grèu. “Es una religion conquistaira que cèrca de nos conquistar”, çò gausèt dire.
Pendent son intervencion en Cogolin amb lo cònsol xenofòb de la vila occitana, Jean-Marie Le Pen alertèt que França es en “risc de s’esfondrar” per l’immigracion. E quitament diguèt que la populacion francesa es remplaçada per d’immigrants perque la natalitat en Euròpa es venguda mendre. Al delà, segon lo politician, lo fach qu’una partida dels immigrants sián cresents de la religion musulmana es un problèma mai grèu. “Es una religion conquistaira que cèrca de nos conquistar”, çò gausèt dire.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#9 hèser apologi deu genocidi, aquò's grèu, solide. mès si los médias o digun ne parla pas, ne va pas mei lunh que la nharla racista que tots podem enténder a l'estanquet cada dia. que la paraula racista se descomplexi, aquò's un problèma, segur. mès lo politicament corrècte de la premsa d'esquèrra empacharà pas arren, e l'encoratja mei que mei, ce'm sembla.
per contre, que Mesnard s'ataqui a las classas populàrias e aus barris d'immigracion (pr'amor es pas a las poblacions deus lotissaments o deus beròis quartiers que vòlen escarnir ) dens las hèitas vertadèiras, me sembla que va mei lunh que la frasòta de provocacion, autant cascanta e mespresable pusqui èster. si ne truca pas digun, si trapatz aquò normau e si vos estimatz mei de jugar aus ofuscats per una provocacion verbala... am pas las medishas prioritats, lavetz. vertat, es pas grèu d'aver pas lo dret d'esténder la bugada a la frinèsta.
a jo, 'questa istòria me bremba Matin negre, de Franck Pavloff. los que l'an pas legit ic poden trapar aquí : http://www.ifecosse.org.uk/IMG/pdf/Matin_Brun_texte.pdf
#9 Vertat. Mes los totalitaris non s'estancan pas a la bugada. Entà controlar la societat tota, que legifèran sus la bugada E sus drets deus horastèrs.
#1 Totun, hèr apologia d'un genocidi ei fòrça mès grèu e denonciable, que proïbir d'esténer era bugada en balcon
#7
Lo metòd Potin tanben sembla èsser eficaç
https://www.youtube.com/watch?v=BWNO9u7Z5pY
#4 & #6 Ieu, prepausariái quicòm d'un pauc mai rafinat : fotèm lo JMLP dins un charter e lo mandam en Africa. Aquí li inoculam l'Ebòla, ne li daissam crebar e, jol sieu nas, practicam la segregacion raciala en medicinant sonque los umans de la pèl nègra. Aital, morirà benlèu mens pèc, en spaiant melhor çò que patir de segregacion raciala significa !!!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari