Actualitats
Besièrs: an enebit d’estendre la bugada als balcons e a las fenèstras
S’es tanben anonciat un cobrifuòc de 23h a 6h pels menors de mens 13 ans
La vila de Besièrs, dirigida per Robert Ménard amb lo sosten del Front Nacional, anoncièt dimècres passat la decision d’enebir d’estendre la bugada als balcons e a las fenèstas dels immòbles visibles dempuèi las vias publicas, entre 6 e 22h. “Las faciadas an un impacte important sus l’atractivitat economica e toristica de la vila, especialament en matèria d’òrdre estetic”, çò justificava lo tèxt del cònsol. Aquel mandat municipal prevei tanben una interdiccion de “batre los tapisses per las fenèstras après 10 oras del matin”.
Los contravenents deuràn pagar una multa, que la municipalitat n’a pas encara dich lo prètz.
Aquò es pas la primièra mesura fòrta del nòu conselh municipal besierenc. A la fin d’abril lo cònsol anoncièt un cobrifuòc entre 23h e 6h pels menors de mens 13 ans al centre vila e dins lo quartièr popular de la Devesa.
Al delà de tot aquò, lo cònsol decretèt tre lo 1r de mai una multa de 35 èuros per las dejeccions caninas e ordenèt tanben tre aquela data la caça a l’estacionament illicit.
Los contravenents deuràn pagar una multa, que la municipalitat n’a pas encara dich lo prètz.
Aquò es pas la primièra mesura fòrta del nòu conselh municipal besierenc. A la fin d’abril lo cònsol anoncièt un cobrifuòc entre 23h e 6h pels menors de mens 13 ans al centre vila e dins lo quartièr popular de la Devesa.
Al delà de tot aquò, lo cònsol decretèt tre lo 1r de mai una multa de 35 èuros per las dejeccions caninas e ordenèt tanben tre aquela data la caça a l’estacionament illicit.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquela empega sabes pas pus onte mestre mon string... Es un fabrican de seca linge qu'a pagat sa campanha...
Lo cònsol amb frontièras de Besièrs e ancian reportaire sense frontièras ( deu èsser una mena d'universalisme jornalistic republican cosmopolita a la francesa ) ven de decidir d'enebir d'estendre la bugada a las fenèstras. Sabi pas se las pelhas de color blau, blanc e roge son concernidas ( me sembla que n'i a a las fenèstras de l'ostal de la comuna ). Lo cònsol vòl que vengan los toristas ESTRANGIÈRS amb fòrça moneda e sens Ebola. En mai d'aquò, aquel individú es un afogat de la pensada frontista que sempre critica la burocracia europèa ( la famosa talha del cogombre ) e fin finala se maina de çò que i a a las fenèstras de las gents. Sabiái pas que lo problèma que tafurava mai los besierencs èra lo de la bugada.
Se pòt penjar la bandièira occitana a la fenestra entre 6h e 22h ??
Pròpra o pas ?
P.S. : regalam un viatge a Nàpol al cònsol ??
Cal rebatejar "Besièrs" en "Paris de la Méditerranée" aquò farà vendre.
E transformar las faciadas en estil haussmann amb teulissas de zinc! Farà mai polit e atrasent per los qu'an la moneda doncas lo poder.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari