Actualitats
Lo govèrn catalan a ja causit l’urna e lo bulletin pel referendum de novembre
Lo bulletin serà tanben en occitan pels elegeires d’Aran
Manca mens de mièg an pel referendum sus l’independéncia de Catalonha, convocat pel 9 de novembre de 2014. Lo govèrn espanhòl s’entestardís a non autorizar lo vòte, mas lo govèrn catalan a ja causit los modèls d’urna e de bulletin, segon d’informacions de La Vanguardia, que quitament ne publica de fòtos.
L’urna causida es una caissa plegadissa de carton rectangulara amb una fenèstra plastificada dels costats mai largs per que se pòsca veire que se depausa lo bulletin de vòte. L’urna costariá aperaquí dos èuros e se’n comandariá sièis mila. L’elaborariá lo Centre d’Iniciativas de Reïnsercion de Lhèida. Las urnas classicas de plastic còstan, per contra, aperaquí 35 èuros.
Lo modèl de bulletin de vòte, encara segon La Vanguardia, es blanc e vertical de 21 x 10 centimètres amb la dobla question en catalan, amb la traduccion en espanhòl en italic. Los bulletins de la Val d’Aran seràn en occitan. Ennaut sus lo bulletin i aurà la primièra question, “Volètz que Catalonha venga un estat?”, amb las casas per marcar “òc” e “non”; dejós i aurà la segonda question, “En cas afirmatiu, volètz qu’aquel estat siá independent?”, amb las casas “òc” o “non”.
L’urna causida es una caissa plegadissa de carton rectangulara amb una fenèstra plastificada dels costats mai largs per que se pòsca veire que se depausa lo bulletin de vòte. L’urna costariá aperaquí dos èuros e se’n comandariá sièis mila. L’elaborariá lo Centre d’Iniciativas de Reïnsercion de Lhèida. Las urnas classicas de plastic còstan, per contra, aperaquí 35 èuros.
Lo modèl de bulletin de vòte, encara segon La Vanguardia, es blanc e vertical de 21 x 10 centimètres amb la dobla question en catalan, amb la traduccion en espanhòl en italic. Los bulletins de la Val d’Aran seràn en occitan. Ennaut sus lo bulletin i aurà la primièra question, “Volètz que Catalonha venga un estat?”, amb las casas per marcar “òc” e “non”; dejós i aurà la segonda question, “En cas afirmatiu, volètz qu’aquel estat siá independent?”, amb las casas “òc” o “non”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Estats dependents, en principi, esistisson pas. Ja començam mal, ai las!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari