Tèxte legit
Dissabte, lo Racing Club de Tolon s’i es escadut de guardar la Copa d’Euròpa dens la rada per la dusau annada a de reng. N’i avèva pas sonque las esquipas deus Tigres de Leicester (2001-2002) e de la província irlandesa de Leinster (2011-2012) per aver ganhat lo trofèu mès prestigiós deu continent dus còps en seguint. L’espleit pòt doncas estar soslinhat.
Es un caminament gaireben perfèit que lo club provençau a miat aquesta annada en copa europèa. Purmèr deu son grop dab cinc victòrias de siès encontres e classat dusau de la competicion per la fin de la fasa de polas darrèr la província irlandesa d’Ulster (la sola de comptar siès victòrias), los tolonencs an mestrejat las fasas finalas dab l’eliminacion de duas autas províncias d’Irlanda (Leinster 29-14 en quart de finala, Munster 24-16 en miei de finala).
L’encontre de dissabte estó miat peus roge e negue d’un biaish magistrau que deishè paucs espèrs e fin finala paucs degrèus a lors adversaris, los Saracens, futurs finalistas coma eths de lor campionat (d’Anglatèrra) contra Northampton. Après una debuta d’observacion meslèu temeruca dens la quau lo club anglés sembrava d’aver un leugèr avantatge (Owen Farrell dubriscó l’escòre a la tresau minuta per una penalitat), caló esperar un trentenat de minutas per véser lo centre australian Matt Giteau esclairar lo Millenium Stadium de Cardiff per un còp de pè de seguir a son estremèr Drew Mitchell que, pres per la defensa, s’i escadó de’u tornar servir la veishiga per un purmèr ensai inspirat e estrambordant. D’aqueste moment enlà, los tolonencs avèvan la man sus l’encontre. Lo magician Jonny Wilkinson transformè l’ensai deu bòrd de la cantèra estant per acabar d’atucar los Sarrasins angleses.
10-3, mès demorava una mieitat. Tre la represa, un còp de pè d’Owen Farrell balhava l’impression factícia que lo club londinenc podèva rivalizar dab los provençaus. Estó lo cant deu cicne: 10-6. Sus una contrataca, Mathieu Bastareaud, que hè de costuma una sola passa per encontre, hascó sa passa deu match au dusau linha sud-african Juan Smith que, per un un-dus dab lo Fernandez Lobbe plantè l’estocada que, shens tròp de suspresa, Jonny Wilkinson transformè. Un tombat mès tard, los tolonencs podèvan lhevar los braces au cèu e lo Millenium Stadium balhava au futur retirat Jonny Wilkinson (qu’acabarà sa carrièra la setmana que veng per la finala deu Tòp 14) una ovacion unanima.
Es de notar que lo president deu club de Tolon, lo Mourad Boudjellal, contràriament a l’an passat, ne virava pas en taxi a l’entorn de l’estadi mès espiè l’encontre de l’empont estant.
Reshucada de 2013? Un còp la Copa d’Euròpa dens lo sac, l’RCT tornarà dens una setmana jogar la medisha finala que l’an passat, pendent la quau s’èran hèit panar lo títol de campion per un Castras Olimpic coratjós e inatendut. De saber se l’encontre ganhat fàcia aus Saracens estó un escauhament deus bons o una batèsta fatala. La responsa dissabte.
Joan-Marc Leclercq
Tuits sobre "#ToulonDoubleChampion"
Es un caminament gaireben perfèit que lo club provençau a miat aquesta annada en copa europèa. Purmèr deu son grop dab cinc victòrias de siès encontres e classat dusau de la competicion per la fin de la fasa de polas darrèr la província irlandesa d’Ulster (la sola de comptar siès victòrias), los tolonencs an mestrejat las fasas finalas dab l’eliminacion de duas autas províncias d’Irlanda (Leinster 29-14 en quart de finala, Munster 24-16 en miei de finala).
L’encontre de dissabte estó miat peus roge e negue d’un biaish magistrau que deishè paucs espèrs e fin finala paucs degrèus a lors adversaris, los Saracens, futurs finalistas coma eths de lor campionat (d’Anglatèrra) contra Northampton. Après una debuta d’observacion meslèu temeruca dens la quau lo club anglés sembrava d’aver un leugèr avantatge (Owen Farrell dubriscó l’escòre a la tresau minuta per una penalitat), caló esperar un trentenat de minutas per véser lo centre australian Matt Giteau esclairar lo Millenium Stadium de Cardiff per un còp de pè de seguir a son estremèr Drew Mitchell que, pres per la defensa, s’i escadó de’u tornar servir la veishiga per un purmèr ensai inspirat e estrambordant. D’aqueste moment enlà, los tolonencs avèvan la man sus l’encontre. Lo magician Jonny Wilkinson transformè l’ensai deu bòrd de la cantèra estant per acabar d’atucar los Sarrasins angleses.
10-3, mès demorava una mieitat. Tre la represa, un còp de pè d’Owen Farrell balhava l’impression factícia que lo club londinenc podèva rivalizar dab los provençaus. Estó lo cant deu cicne: 10-6. Sus una contrataca, Mathieu Bastareaud, que hè de costuma una sola passa per encontre, hascó sa passa deu match au dusau linha sud-african Juan Smith que, per un un-dus dab lo Fernandez Lobbe plantè l’estocada que, shens tròp de suspresa, Jonny Wilkinson transformè. Un tombat mès tard, los tolonencs podèvan lhevar los braces au cèu e lo Millenium Stadium balhava au futur retirat Jonny Wilkinson (qu’acabarà sa carrièra la setmana que veng per la finala deu Tòp 14) una ovacion unanima.
Es de notar que lo president deu club de Tolon, lo Mourad Boudjellal, contràriament a l’an passat, ne virava pas en taxi a l’entorn de l’estadi mès espiè l’encontre de l’empont estant.
Reshucada de 2013? Un còp la Copa d’Euròpa dens lo sac, l’RCT tornarà dens una setmana jogar la medisha finala que l’an passat, pendent la quau s’èran hèit panar lo títol de campion per un Castras Olimpic coratjós e inatendut. De saber se l’encontre ganhat fàcia aus Saracens estó un escauhament deus bons o una batèsta fatala. La responsa dissabte.
Joan-Marc Leclercq
Tuits sobre "#ToulonDoubleChampion"
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 Èra pas una question. "Perqué rotge e negre !" es v'un dei cridas dei suportaires tolonencs... E òc, sei colors li venon de l'Estadi Tolosenc.
Sus la compausicion de l'equipa titulara, aquò s'apren a una causa : la profesionalizacion dau rugby... Lo RCT es pas l'unenc club francés dins aquesta situacion... Puei quauqun coma Wilkinson, despuei lo temps qu'es au RCT, cresi que podem pensar qu'es vengut un vertadier tolonenc
Osca a Tolon per la performància.
Una causa pietadosa, ça que là, es de notar lo XV titulars : 4 sud-africans, 3 angleses, 3 australians, 3 franceses, 1 argentin e 1 neo-zelandés. Nacionalitat de l'equipa? Occitana? Francesa? quitament pas europenca. Urosament, lo banc èra cargat de franceses : Classens, Suta, Menini, Orioli, Bruni (qu'aunoran nostra tèrra d'acuèlh), mas seria pas per ço que son forçat d'alinhar un cert nombre de franceses?
Perqué rotge e negre? Ai ausit dire qu'èra en causa del pairinatge de l'Estadi Tolosenc per la naissença del club de Tolon. Los de Tolons marquèron lor gratituda en prenent las colors de l'Estadi. (Vos vendi l'istoria tala coma la recebèri, sens mai de verificacion).
Perqué rotge e negre !
(precision : es Rugby Club Tolonés, pas Racing Club !)
Perqué TOLON !
Tè, saupriatz l'origina dau pilopilo ? Va sabi pas ieu...
Quina leiçon d'esportivitat rapòrt a l'espectacle pietadós de Lisbona.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari