Actualitats
Tres mòrts en una fusilhada davant lo Musèu Josieu de Belgica a Brussèlas
Segon la ministra de l’interior bèlga, tot fa pensar a un atemptat antisemita
Tres personas son mòrtas e una es grèvament ferida en seguida d’una fusilhada que se debanèt ièr a 16h al quartièr de Zavel, al centre de Brussèlas, just davant lo Musèu Josieu de Belgica. Segon de testimònis un individú davalèt d’una veitura e comencèt de tirar. Après fugiguèt amb lo meteis veïcul.
Lo ministre bèlga dels afars estrangièrs, Didier Reynders, se trobava près de l’endrech e fiulèt sus Twitter: “Esmogut pels murtres comeses al Musèu Josieu, pensi a las victimas qu’ai vistas sus plaça e a lors familhas”. De son costat, la ministra bèlga de l’interior, Joëlle Milquet, qu’èra tanben dins lo quartièr, diguèt que tot fasiá pensar a un atemptat antisemita, e mai se lo Musèu Josieu aviá pas recebut de menaças darrièrament.
Lo Musèu Josieu de Belgica es un centre cultural consagrat a far descobrir las multiplas caras del mond josieu. A l’ora d’ara s’i expausava una mòstra sus l’Anvèrs josieu. Las associacions josievas denóncian regularament d’antisemitisme en Belgica, mas lo darrièr atemptat mortal antisemita se passèt en 1981. L’atac de ièr arribèt doas setmanas après un ensag, mancat, d’organizar un congrès europèu antisionista a Anderlecht.
_____
Mèdias bèlgas: La Libre Belgique, Le Soir, RTL, RTBF, FlandersNews.be.
Lo ministre bèlga dels afars estrangièrs, Didier Reynders, se trobava près de l’endrech e fiulèt sus Twitter: “Esmogut pels murtres comeses al Musèu Josieu, pensi a las victimas qu’ai vistas sus plaça e a lors familhas”. De son costat, la ministra bèlga de l’interior, Joëlle Milquet, qu’èra tanben dins lo quartièr, diguèt que tot fasiá pensar a un atemptat antisemita, e mai se lo Musèu Josieu aviá pas recebut de menaças darrièrament.
Lo Musèu Josieu de Belgica es un centre cultural consagrat a far descobrir las multiplas caras del mond josieu. A l’ora d’ara s’i expausava una mòstra sus l’Anvèrs josieu. Las associacions josievas denóncian regularament d’antisemitisme en Belgica, mas lo darrièr atemptat mortal antisemita se passèt en 1981. L’atac de ièr arribèt doas setmanas après un ensag, mancat, d’organizar un congrès europèu antisionista a Anderlecht.
Choqué par les meurtres commis au musée juif, je pense aux victimes que j'ai vues sur place et à leurs familles
— didier reynders (@dreynders) May 24, 2014_____
Mèdias bèlgas: La Libre Belgique, Le Soir, RTL, RTBF, FlandersNews.be.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari