Actualitats
Lo papa Francés a fach una vesita engatjada a la Tèrra Santa
A capitat que los caps d’Israèl e Palestina se reüniscan al Vatican per parlar de patz
Lo papa Francés ven d’acabar una vesita fòrça engatjada a la Tèrra Santa, ont a capitat que los caps d’Israèl e Palestina s’engatgen a far una pregària conjoncha per la patz, al Vatican. Aquela reünion se debanarà, probable, lo 6 de junh que ven. Dins aquel viatge lo papa s’es reünit quatre còps amb lo patriarca de Constantinòple, Bartomieu Ir, en festejar los 50 ans de reconciliacion de las glèisas ortodòxa e catolica.
Lo pontife auriá vist las consequéncias del conflicte. En passar davant la paret de separacion qu’Israèl bastiguèt en 2003 entre Betelèm e Jerusalèm, davalèt de l’automobila al pè d’una tor d’agach, toquèt la paret e faguèt una pregària. S’agís d’un dels gèstes mai importants del pontife pendent aquel viatge, qualques oras abans de se reünir amb d’enfants palestinians de tres camps de refugiats.
Lo pontife arribèt dissabte en Palestina, vesitèt Cisjordania e se reüniguèt amb lo president palestinian, Abu Mazin (Mahmud Abbas), a Betelèm. En seguida vesitèt la Cauna de la Nativitat e lo camp de refugiats d’Ad Duhaysha (Deheishe). Ièr diluns acabèt son viatge a Jerusalèm.
Precisament lo president d’Israèl, Shimon Peres, acceptèt ièr aquela invitacion del papa de se reünir al Vatican per impulsar la patz al Pròche Orient. Lo papa Francés aviá nomenat Peres coma “artisan de la patz” dins un discors ont demandèt que totes los cresents aguèsson l’accès liure a lors luòcs sagrats. O diguèt justament dins l’Esplanada de las Mosquetas, e ne profechèt per tornar cridar los josieus, crestians e musulmans a dobrir lor còr e lor esperit per se comprene. Après vesitar lo luòc mai sagrat dels musulmans, faguèt una pregària al Mur de las Lamentacions, lo luòc mai sagrat dels josieus. Ailà demandèt que degun empleguèsse pas lo nom de Dieu per justificar la violéncia.
Amb aquela vesita a Jerusalèm, que lo papa n’a soslinhat la beutat, s’acaba la vesita del pontife a la Tèrra Santa. Una vesita engatjada, ont a demandat mantes còps que s’acabe lo conflicte entre israelians e palestinians.
Lo pontife auriá vist las consequéncias del conflicte. En passar davant la paret de separacion qu’Israèl bastiguèt en 2003 entre Betelèm e Jerusalèm, davalèt de l’automobila al pè d’una tor d’agach, toquèt la paret e faguèt una pregària. S’agís d’un dels gèstes mai importants del pontife pendent aquel viatge, qualques oras abans de se reünir amb d’enfants palestinians de tres camps de refugiats.
Lo pontife arribèt dissabte en Palestina, vesitèt Cisjordania e se reüniguèt amb lo president palestinian, Abu Mazin (Mahmud Abbas), a Betelèm. En seguida vesitèt la Cauna de la Nativitat e lo camp de refugiats d’Ad Duhaysha (Deheishe). Ièr diluns acabèt son viatge a Jerusalèm.
Precisament lo president d’Israèl, Shimon Peres, acceptèt ièr aquela invitacion del papa de se reünir al Vatican per impulsar la patz al Pròche Orient. Lo papa Francés aviá nomenat Peres coma “artisan de la patz” dins un discors ont demandèt que totes los cresents aguèsson l’accès liure a lors luòcs sagrats. O diguèt justament dins l’Esplanada de las Mosquetas, e ne profechèt per tornar cridar los josieus, crestians e musulmans a dobrir lor còr e lor esperit per se comprene. Après vesitar lo luòc mai sagrat dels musulmans, faguèt una pregària al Mur de las Lamentacions, lo luòc mai sagrat dels josieus. Ailà demandèt que degun empleguèsse pas lo nom de Dieu per justificar la violéncia.
Amb aquela vesita a Jerusalèm, que lo papa n’a soslinhat la beutat, s’acaba la vesita del pontife a la Tèrra Santa. Una vesita engatjada, ont a demandat mantes còps que s’acabe lo conflicte entre israelians e palestinians.
| fffff | fffff | |
| Cinquanta ans de viatges papals Aquel viatge es lo segond que fa Francés, après sa vesita d’arunan en Brasil. Lo Pew Research Center a mes sus una mapa los 250 viatges oficials qu’an fach los papas, après la vesita istorica del papa Pau VI a la Tèrra Santa, fa tot bèl just cinquanta ans. | ||
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquela Papa la nos vòl far engatjat ? A pas que d'aconselhar, coma son sant patron, de tornar a Cesar çò sieu, e de gardar per Dieu çò Sieu, e, aital, de condemnar sens resèrva lo capitalisme e de regularizar sens tardar mai totes los movements latino-americans crestains sandinistas !!! Jèsus èra paure demèst los paures, secutats demèst los secutats, e descressencista a o rompre tot. De la borgesiá, jamai non auriá pas sabut qué far… ja qu'es mai aisit a un camèl de passar pel trauc d'una agulha de cóser qu'a un ric d'intrar dins lo Riealme del Cèl.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari