#33
Pensi que la Còrsa èra sonqu'un exemple, percé qu'es lo mèi evident (insularitat, estatut especiau).
Precisi tanben que sui absoludament contra l'emplec de la violença coma utis politic.

N'i pòt pas i aver miracles, shens la possibilitat d'imprimir programes e dab la necessitat de telecargar e d'imprimir lo son buletin de vote, ua lista com aquesta ne podè pas sonque tocar aus qui son assabentats de l'existencia deu PNO e deja convençuts abans de partir entà votar.
Lo problème qu'ei la politica qu'implica, a un moment dat, de sortir de l'arròu deus qui partatjan ua opinion ultraminoritaria entà la difusir au pòble, a la massa deus qui van anar votar. Se n'aven pas los mejans d'at har, ne compreni pas l'interès de participir a ua eleccion.
De mei los enjòcs de l'escrutin europèu que despassan la question de las nacions shens estat. Çò que'm tesica dens lo fonccionament de l'UE e que determinè lo men vote que son las orientacions politicas de la commission europèa, las questions de governencia de la banca centrau... Se ne voi pas minimizar la dominacion de las elitas franchimandas dens l'exagone, la dominacion de las oligarquias financèras qu'ei tanben un problème a l'escala de l'UE.
Per contre que desiri qu'i aja ua vertadièra expression politica occitanista taus escrutins regionaus e cantonaus. E d'un auta biash que Bastir que consisteish a hicà's a la còrda deus partits franchimands e a còps, com a Pau, a atelà'au candidat lo mei antioccitanista...

#38 exactament.

Qu'ei un cèrcle vicios : pas pro de moneda entà aver ua comunicacion professiolala e entà aver butletins dins cada comuna de la circonscripcion. Pas de comunicacion professionala, pas de resultat electoraus superiors aus 3% impausats per la lei francesa entà dintrar dins l'encastre legislatiu entà poder aver remborsament de la campanha. Pas de remborsament, doncas pas de moneda !

Doncas, demòra (urosament) l'alternativa militanta : aquò balha résultats, mès localisats dins las comunas concernidas, e rarament au delà de 1 %.

Après, en avem l'astre de saber que i aurà pas nat remborsament possible, doncas, se cau pas engatjar que dins ua accion militanta rasonabla segon los mejans possibles ; que còsta pas gran causa, mès qu'ei ua accion limitada que confina a un resultat locau e relatiu (a l'entorn de 1%).

Au lòc que d'autas formacions coma RPS o la de la Boutin en prénguer lo risc de s'engatjar finacièrament en hèr ua vertadèra campanha professionala... se son "plantats" ! semblaria que, coma an pas avut los 3% demandats, ara, se son aroinats ! boteràn benlèu d'annadas abans de capitar de tot remborsar, e dambe la loa moneda personala !

Sabi pas se lo monde ac sap, que, en realitat, dambe aquesta istòria deus 3 %, sonque los partits màgers son remborsats dins l'encastre d'ua campanha electorala en "Republica" Francesa...

Coma disia lo Coluche "Il y aura des riches, il y aura des pauvres... mais tous seront égaux ! il y aura des petits, il y aura des grands... mais tous seront égaux ! il y aura des noirs, des blancs, des arabes... mais tous seront égaux ! il y aura des arabes, petits et pauvres... ils seront égaux comme les autres ! (mais ce sera très dur).


Doncas, qu'ei çò de mèma : un petit partit (occitan o non) se pòt presentar a las eleccions européencas, coma los partits màgers (son egals)...

A part que los partits màgers, eres, saben que la loa campanha serà remborsada ! alavètz, shens mèma evocar ua comunicacion professionala, pòden engatjar freses entà estampar butletins dins TOTAS las comunas ! mentre que los petits partits saben que los quite butletins seran pas solament remborsats se passan pas lo cap deus 3% (sonque entà l'estamparia deus butletins, shens mèma evocar las afichas, la comunicacion, aquò costèc personalament a la Boutin 150 000 € de la sua pòcha ! lo FN, lo PS, l'UMP ? 0 € ! tot pagat peu contribuable !!!)...

Doncas, petits partits, partits bèths, totes egals ! mès que serà hèra hòrt entaus petits partits !

En politica, la comunicacion es un mestièr. Militar es una causa e comunicar una autra. Emai si tenon la melhora volontat, los militants son pas qualificats per o far. Aquò deu èsser l'accion d' un cabinet de comunicacion. Sens aquò sembla dificile de depassar los 1%, e es generalament admés que jos 1%, òm existís pas politicament.

Supausi que donar la tasca de comunicar a un professional ja es estat discutit al PNO? E tanben supausi que l'abséncia de moneda o permet pas?

#34 "Ok n'avetz pas autant de miejans com autes partits.
Mes perqué?"

perqué ? tot simplament per'mor que los autes partits gròsses an los freses de campanha remborsats !!! a partir de 3 % deus vòtes (e me sembla, cau obténguer 3% au nivèu nacionau, pas sonque sus ua circonscripcion) son remborsats.

Sabem plan que, quitament se le PNO avèva pro de moneda entà hè ua bona campanha, pòt pas capitar d'obténguer mès de 3% deus sufratges (sustot au nivèu de França tota). Serà de tot biais au minimum 250 000 euros perduts (250 000 euros qu'ei çò que còsta ua campanha "normala" entà las europeéncas).

Mès qu'ei çò de mèma entau PÒc : qu'ei per'mor d'aquò que s'aliga dambe EELV, per'mor que EELV es créditat au nivèu nacionau de 10% a peu pròishe segon los sondatges, e atau, la campanha còsta pas ren, per'mor qu'ei lo contribuable que paga !

Au PNO, cau que sian los sòcis que pagan la campanha. Los partits coma lo PS, UMP, FN, EELV, FDG pòden engatjar 250 000 a 1 000 000 d'euros entà ua camapanha entà las europeéncas : de tot biais, seràn REMBORSATS ! au lòc que lo PNO aurà pas jamès los méjans financièrs d'ua campanha equivalenta, quitament s'avèva milierats de sòcis amonedats.

Gaitatz la prauba Christine Boutin qu'a pas obtengut los 3% : ara, plora per'mor que la sua campanha l'a costat 350 000 euros e serà pas brica remborsada ! lança alavetz ua crida a sos militants entà remborsar aquesta campanha : s'a 3 500 militants, aquò còsta pas que 100 € per militants... Mès es que totes van voler pagar ? sustot per arren, coma an pas nat elegit !

I auria ua solucion : caleria que los freses de campanha sian pas brica remborsats, quin que sia lo resultat : atau, lo FN, lo PS, l'UMP serian OBLIGATS, coma lo PNO (e la Christine Boutin !) de pagar eres medishes la campanha ! desjà seria mès democratica : qu'ei agit de hèr ua polida campanha de pertot entaus gròsses partits en saber que, de tot biais, serà lo contribuable que pagarà !