Global Breakfast Radio es una ràdio en linha qu’a la particularitat d’emetre pendent tot lo jorn d’emissions d’autras ràdios d’endreches qu’en aquel moment lo mond i prenon lor dejunar. “Independentament s’òm dejuna de matin o pas, lo començament d’un nòu jorn pòrta un cèrt optimisme e una frescor que fan qu’aquel moment venga un periòde gaireben de temps liure, a mièg camin entre lo sòm e l’estrès de la jornada”, çò ditz Daniel Jones, qu’amb Seb Emina menan a tèrme aquel projècte.
 
Jones e Emina an seleccionat 250 programas d’emissions de 120 païses de tot lo Mond. “Se tracta de seguir la sortida del solelh dins tota la planeta, mas en format radiofonic”. Demest las emissions seleccionadas, que se meton a jorn, Emina expliquèt a Vilaweb que i a una ràdio en catalan de Barcelona, una de musica chamorro de l’illa de Guam, una ràdio infantila de Siberia e mai una de Groenlàndia en inuit. Seriá una bona idèa de lor prepausar lo Good Morning Occitània, qu’emeton Ràdio Occitània e Ràdio País cada jorn de 7h a 10h.