Cinc joves d’entre 20 e 25 ans, d’Agde e de Viàs (Montpelhierenc), moriguèron la nuèch de divendres en consequéncia d’una corsa-perseguida entre doas veituras al Cap d’Agde. Quatre d’eles moriguèron sul pic e lo cinquen moriguèt a l’espital de Montpelhièr de matin. Doas veituras que fasián la corsa percutiguèron un arbre del tèrraplen a plena velocitat.
Las doas veituras s’èran engatjadas dins una corsa-perseguida sus l’estrada departamentala D612, entre Agde e lo Cap d’Agde, una cauçada qu’a doas vias per sens amb un tèrraplen central. L’automobila qu’èra en cap perdèt lo contraròtle a la sortida d’un contorn, resquilhèt sus l’èrba qualques 200 mètres e percutiguèt un arbre. L’autra veitura seguiguèt la meteissa trajectòria, mas las doas veituras se toquèron pas, segon çò qu’a raportat als mèdias la polícia. La violéncia del chòc foguèt tan granda que los motors espetèron.
Lo menaire de la primièra veitura, e los ocupants de la segonda, moriguèron sul pic. Lo ferit que moriguèt mai tard a l’espital viatjava dins la primièra veitura.
An identificat tres de las victimas. Èran de cosins e d’amics, originaris d’Agde e de Viàs, que segon los primièrs elements de l’enquèsta aurián facha la corsa per jòc.
Reportatge de France 2 al jornal de 13 oras:
Las doas veituras s’èran engatjadas dins una corsa-perseguida sus l’estrada departamentala D612, entre Agde e lo Cap d’Agde, una cauçada qu’a doas vias per sens amb un tèrraplen central. L’automobila qu’èra en cap perdèt lo contraròtle a la sortida d’un contorn, resquilhèt sus l’èrba qualques 200 mètres e percutiguèt un arbre. L’autra veitura seguiguèt la meteissa trajectòria, mas las doas veituras se toquèron pas, segon çò qu’a raportat als mèdias la polícia. La violéncia del chòc foguèt tan granda que los motors espetèron.
Lo menaire de la primièra veitura, e los ocupants de la segonda, moriguèron sul pic. Lo ferit que moriguèt mai tard a l’espital viatjava dins la primièra veitura.
An identificat tres de las victimas. Èran de cosins e d’amics, originaris d’Agde e de Viàs, que segon los primièrs elements de l’enquèsta aurián facha la corsa per jòc.
Reportatge de France 2 al jornal de 13 oras:
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari