L’ associacion culturala galhacòla Galh’òc, nascuda en 2009, a per tòca de promòure e de difusar la cultura occitana en Galhaqués. Prapausa al public de corses de lenga, organiza de concèrts, de recitals de contes, alestís e anima en lenga nòstra de randoladas pedèstras dins lo vinhièr, etc. Sas activitats son multiplas e variadas. Espeliguèt gaireben del meteis temps que la Calandreta.
Es una associacion dinamica e ambiciosa per la cultura nòstra. Desempuèi bèl briu sosca a la creacion d’un espaci cultural occitan qu’albergariá totas las entitats occitanas de la vila. A l’ora d’ara aquestas son al nombre de quatre amb de centres d’interès complementaris. Los bailes de Galh’òc deploran, amb rason, la manca de locals per aculhir totas las activitats culturalas que se fan dins la vila. Atanben desiran que totas las associacions siaguen amassadas dins un meteis luòc per dire de balhar una veirina a la cultura occitana dins la ciutat vinhairona.
Ça que la, s’ara lo projècte existís sul papièr, demòra encara de lo far grelhar de tèrra. E mai se l’intercomunalitat, lo conselh general del departament de Tarn e lo conselh regional de Miègjorn-Pirenèus i son favorables, res es pas encara estat signat, nimai acertit. Per çò qu’es de la comuna, ven tot bèl just de cambiar de majoritat al conselh municipal. Los responsables de l’associacion an pas encara rescontrat los novèls edils, çò qu’es per se far lèu. Lo projècte es estimat a 600 000 èuros. Entre subvencions de las collectivitats territorialas e pairinatges de las entrepresas privadas (de mercés a la defiscalizacion), l’associacion desespèra pas de clavar son budget. Son objectiu seriá de dobrir l’espaci novèl per setembre de 2015.
E mai es vertat que, se las collectivitats territorialas del parçan fan çò que dison voler far per la cultura occitana, amb aqueste projècte auràn de qué manisfestar lor estacament a la cultura del país. De tot biais, Galh’òc contunha d’afortir sa volontat de portar fins a cima aqueste projècte d’espaci cultural. Un espaci cultural que s’aparenta a un “Ostal d’Occitània” per la vila.
Sèrgi Viaule
Es una associacion dinamica e ambiciosa per la cultura nòstra. Desempuèi bèl briu sosca a la creacion d’un espaci cultural occitan qu’albergariá totas las entitats occitanas de la vila. A l’ora d’ara aquestas son al nombre de quatre amb de centres d’interès complementaris. Los bailes de Galh’òc deploran, amb rason, la manca de locals per aculhir totas las activitats culturalas que se fan dins la vila. Atanben desiran que totas las associacions siaguen amassadas dins un meteis luòc per dire de balhar una veirina a la cultura occitana dins la ciutat vinhairona.
Ça que la, s’ara lo projècte existís sul papièr, demòra encara de lo far grelhar de tèrra. E mai se l’intercomunalitat, lo conselh general del departament de Tarn e lo conselh regional de Miègjorn-Pirenèus i son favorables, res es pas encara estat signat, nimai acertit. Per çò qu’es de la comuna, ven tot bèl just de cambiar de majoritat al conselh municipal. Los responsables de l’associacion an pas encara rescontrat los novèls edils, çò qu’es per se far lèu. Lo projècte es estimat a 600 000 èuros. Entre subvencions de las collectivitats territorialas e pairinatges de las entrepresas privadas (de mercés a la defiscalizacion), l’associacion desespèra pas de clavar son budget. Son objectiu seriá de dobrir l’espaci novèl per setembre de 2015.
E mai es vertat que, se las collectivitats territorialas del parçan fan çò que dison voler far per la cultura occitana, amb aqueste projècte auràn de qué manisfestar lor estacament a la cultura del país. De tot biais, Galh’òc contunha d’afortir sa volontat de portar fins a cima aqueste projècte d’espaci cultural. Un espaci cultural que s’aparenta a un “Ostal d’Occitània” per la vila.
Sèrgi Viaule
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari