En seguida de l’eleccion passada al Parlament Europèu, ara i a mai d’eurodeputats sceptics que jamai. Eles fan partida dels partits que vòlon desfar lo projècte d’integracion europèa. Ça que la, aquò es gaireben lo sol objectiu que partejan aqueles deputats, perque lors programas son fòrça desparièrs. Demest aqueles deputats eurosceptics n’i a mantes d’ultradrecha, qu’an atirat l’atencion dels mèdias: son de partits nazis, xeonofòbs e eurofòbs de pertot en Euròpa. Mas qual es qual? Vilaweb ne publiquèt un reportatge aquesta dimenjada.
Lo Front Nacional e l’UKIP, los nòus caps
Demest los partits d’extrèma drecha, i a sustot dos grands ganhants: la francesa Marine Le Pen (Front Nacional) e lo britanic Nigel Farage (UKIP). Atenguèron vint e quatre eurodeputats cadun mas Farage, diguèt que vòl pas pachar amb la francesa “per sos prejutjats e son antisemitisme”. De fach, i a discussion sus se lo partit de Farage, de tradicion “thatcherista”, deuriá èsser considerat racista o pas.
De tot biais, los dos negocièron pendent tota la setmana passada amb d’autres partits per capitar a crear un grop parlamentari pròpri. La tòca es d’accedir a mai de finançament e d’influéncia. Los dos an trobat d’aliats mas ni un ni l’autre complisson pas un dels requisits: addicionan ben un minim de vint e cinc deputats mas son pas de sèt estats desparièrs.
Le Pen faguèt dimars una conferéncia de premsa conjoncha amb lo polemic Geert Wilders que dirigís lo Partit de la Libertat (PVV) olandés, amb la Liga Nòrd d’Itàlia, amb lo partit flamenc Vlaams Belang e amb l’austrian Partit de la Libertat. Del temps que Farage ensaja d’aténher, entre d’autres, lo sosten del Movement Cinc Estelas de Beppe Grillo, lo sol d’aqueles partits que se pòt pas classificar dins l’extrèma drecha.
Un dels partits qu’a pas encara cap d’acòrdi amb degun es Alternativa per Alemanha (AFD), que defend que l’èuro se deuriá eliminar e que pensa que los alemands se deurián pas “veire obligats de pagar las facturas dels govèrns o de las bancas imprudentas d’autres païses de l’UE”.
Los partits nazis que degun vòl pas pachar amb eles
Los sols grops que quitament Le Pen vòl pas pachar amb eles son los que son considerats neonazis:
— Lo Partit Nacionaldemocratic (NPD) foguèt un dels estonaments de las eleccions alemandas, qu’elegiguèron lo politician neonazi Udo Voigt. Fa d’ans qu’en Alemanha se debat l’enebicion de l’NPD mas mantes creson qu’aquò entraïnariá encara mai de problèmas.
— Chrysi Avgi (en grèc Alba Daurada) es una organizacion politica neonazi de Grècia dirigida per Nikolaos Michaloliakos. Malgrat que refusen d’èsser tractats de nazis, an elogiat l’Alemanha nazi qualques còps.
— Lo Movement per una Ongria Melhora (Jobbik) es un partit politic d’Ongria d’inclinacion d’extrèma drecha fondat en 2003 coma contunhacion del movement Comunautat Jove, dirigit per Gábor Vona. Es sovent estat acusat d’antisemitisme e reclama l’autodeterminacion de las minoritats ongresas dels païses frontalièrs.
Lo Front Nacional e l’UKIP, los nòus caps
Demest los partits d’extrèma drecha, i a sustot dos grands ganhants: la francesa Marine Le Pen (Front Nacional) e lo britanic Nigel Farage (UKIP). Atenguèron vint e quatre eurodeputats cadun mas Farage, diguèt que vòl pas pachar amb la francesa “per sos prejutjats e son antisemitisme”. De fach, i a discussion sus se lo partit de Farage, de tradicion “thatcherista”, deuriá èsser considerat racista o pas.
De tot biais, los dos negocièron pendent tota la setmana passada amb d’autres partits per capitar a crear un grop parlamentari pròpri. La tòca es d’accedir a mai de finançament e d’influéncia. Los dos an trobat d’aliats mas ni un ni l’autre complisson pas un dels requisits: addicionan ben un minim de vint e cinc deputats mas son pas de sèt estats desparièrs.
Le Pen faguèt dimars una conferéncia de premsa conjoncha amb lo polemic Geert Wilders que dirigís lo Partit de la Libertat (PVV) olandés, amb la Liga Nòrd d’Itàlia, amb lo partit flamenc Vlaams Belang e amb l’austrian Partit de la Libertat. Del temps que Farage ensaja d’aténher, entre d’autres, lo sosten del Movement Cinc Estelas de Beppe Grillo, lo sol d’aqueles partits que se pòt pas classificar dins l’extrèma drecha.
Un dels partits qu’a pas encara cap d’acòrdi amb degun es Alternativa per Alemanha (AFD), que defend que l’èuro se deuriá eliminar e que pensa que los alemands se deurián pas “veire obligats de pagar las facturas dels govèrns o de las bancas imprudentas d’autres païses de l’UE”.
Los partits nazis que degun vòl pas pachar amb eles
Los sols grops que quitament Le Pen vòl pas pachar amb eles son los que son considerats neonazis:
— Lo Partit Nacionaldemocratic (NPD) foguèt un dels estonaments de las eleccions alemandas, qu’elegiguèron lo politician neonazi Udo Voigt. Fa d’ans qu’en Alemanha se debat l’enebicion de l’NPD mas mantes creson qu’aquò entraïnariá encara mai de problèmas.
— Chrysi Avgi (en grèc Alba Daurada) es una organizacion politica neonazi de Grècia dirigida per Nikolaos Michaloliakos. Malgrat que refusen d’èsser tractats de nazis, an elogiat l’Alemanha nazi qualques còps.
— Lo Movement per una Ongria Melhora (Jobbik) es un partit politic d’Ongria d’inclinacion d’extrèma drecha fondat en 2003 coma contunhacion del movement Comunautat Jove, dirigit per Gábor Vona. Es sovent estat acusat d’antisemitisme e reclama l’autodeterminacion de las minoritats ongresas dels païses frontalièrs.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ultradrecha francesa a tendéncia monarquia ereditària per los Le Pan : paire e filha e cosina
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari