Actualitats
Lo rei d’Espanha a abdicat
Lo president espanhòl a anonciat lo començament del procès successòri per nomenar rei lo prince Felip de Borbon
Lo president del govèrn espanhòl, Mariano Rajoy, s’es presentat als mèdias, aqueste matin a 10h30, per far una declaracion institucionala en tot anonciar l’abdicacion del rei Joan-Carles Ir, après trenta nòu ans de règne: “Joan-Carles m’a anonciat la volontat de renonciar al tròn e de dobrir lo procès successòri”. “Uèi meteis lo rei n’explicarà las rasons”, çò a apondut.
“Ai trobat lo rei qu’es convencut qu’es lo melhor moment de far amb normalitat lo cambiament de cap de l’estat, amb la transmission de la corona al prince d’Astúrias”, çò a dich.
Segon lo president espanhòl, deman se convocarà un conselh dels ministres extraordinari per complir las previsions constitucionalas a respècte d’aquela succession: “Espèri que dins un periòde brèu las Corts espanhòlas proclamaràn coma rei d’Espanha lo qu’es uèi lo prince d’Astúrias”, e a dire, son filh Felip de Borbon, que vendrà Felip VI.
“Ai trobat lo rei qu’es convencut qu’es lo melhor moment de far amb normalitat lo cambiament de cap de l’estat, amb la transmission de la corona al prince d’Astúrias”, çò a dich.
Segon lo president espanhòl, deman se convocarà un conselh dels ministres extraordinari per complir las previsions constitucionalas a respècte d’aquela succession: “Espèri que dins un periòde brèu las Corts espanhòlas proclamaràn coma rei d’Espanha lo qu’es uèi lo prince d’Astúrias”, e a dire, son filh Felip de Borbon, que vendrà Felip VI.
S.M. el Rey Juan Carlos I abdica la Corona de España. http://t.co/s9vbalBzSOpic.twitter.com/YesVxDObIp
— Casa de S.M. el Rey (@CasaReal) June 2, 2014Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 Deu èsser qualqu'un mai que l'Adolfo Suárez. Suárez foguèt embarrat, amb Santiago Carrillo (PCE) e dos mai, dins un gabinet a despart del Congreso qu'èra a aquel moment en mans de la Guardia civil. Vesi pas cossí auriá pogut parlar amb lo rei. La tèsi mai espandida es que la reina foguèt de bon conselh perqu'aviá viscut l'experiéncia de son fraire e Grècia quand se fisèt dels militars çò que li costèt lo tròn. Benlèu volètz parlar de l'ajuda de camp del rei -ara me rapèli pas lo nom- qu'èra amb el dins lo burèu de la Zarzuela pendent tot lo temps que durèt la crisi. Las darrièras informacions sortidas sul sicut son que foguèt aqueste que diguèt al rei que caliá pas que prenguèsse Armada -lo cap ocult del còp d'estat- al telefòn per pas èsser compromés.
Se sap ara (archius diplomatics alemands) qu'en 1981, foguèt Adolfo Suarez, cap del govèrn, qu'ordonèt al Juan Carlos, monaca de Franco mesa sul tròn, de passar a la television per estancar lo còp d'estat de Tejero. Es ora per Espanha de n'acabar amb lo franquisme e de tornar a la Republica.
E ben! Èra ora! "Lo melhor moment per far amb normalitat lo cambiament de cap d'estat"? Cresi que lo bon moment es ja passat. Li daissa un brave pastís a son filh. Benlèu vòl pas èsser lo Borbon qu'aurà daissat escapar Catalonha cap a la republica!
Los Borbons son los enemics dels pòbles catalans e occitans, pels primièrs encara dins l'actualitat, e pernosautres, malastrosament dins lo passat. Disi malastrosament perqué en matèria d'occitanicidi la republica a la francesa a fait encara pièger que los Borbons.
Que s'escampen aqueles maldits, paire, maire, filh e tota la clocada! Que s'escampen de nòstras tèrras!
Visca la republica!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari