#10 Interessant, Maime ! Perqué pas ne'n far un article complet per far lo ponch sus la question ?

#9 Sus lo psicologic de l'alienacion linguistica, avia legit dins un libre de Dalgalian (Enfances plurilingues me sembla) qu'un psiquiatre alsacian que trabalha a Brest faguet la relacion entre quela alienacion e lo taus de suicidi locau : perque lo monde avian pas la capacitat de verbalizar lor malestre (perque iò podian pas far en francés coma eran britofònes) e que quela incapacitat se transmetet a la generacion que parlava nonmàs francés. Qu'era una constatacion dins son trabalh quotidian.

Dins Temps Tres, Lafont essaia d'explicar lo perdeque dau populisme : las revoltas en Occitània seguen lo modele gramscian dau “blòt populari”. Dins una region periferica, qu’a pas los mejans d’agir directament sus lo poder politic centrau,las categorias socialas excluidas de la prosperitat s’unissen. Quò mena a daus movements revolucionaris populistas o a ‘na deriva prefeissista. L’istòria occitana ne’n es clafida. Dins la segonda partida dau segle 20, queu fenomene se revelet dins las eleccions : 56 coma Pojada, 65 coma Tixier e aura coma los Le Pen.

Per Felip Carcassés, es un problema d'ànsia culturala, emb un discors que me plai pas dau tot ! De legir dins la setmana : http://lasetmana.fr/corrier-lectors/3278-las-rasons-de-la-montada-dau-fn

Per me, lo fond es mai que mai dins l'analisi de Lafont, e qu'es per quò qu'un Frêche ganhet plen d'eleccions : era un autre populisme, de mança e regionau, basat sus un biais de parlar verai coma lo Sarkozy e sus l’esperit popular anti-estatau coma lo Le Pen. Frêche disia çò que pensava, coma io pensava, en s’opausar a l’aparelh parisenc. Frêche era dau país, l’eròs dau país contra los aparelhs politics e contra la drecha e Sarkozy. L'ànsia culturala es mai una manipulacion mediatica menada per la drecha de l'UMP aus Indentitaris. De segur, se fau demontar quela manipulacion mas quò chamnharà pas lo problema de l'exclusion sociala. Faudria reussir a unir lo monde dins un movement occitan benleu populista mas democratic e antifeissista. Qu'es un pauc ço que volia far lo Front de Mança au niveu francés. Faudria 'visar son escòre en Occitània.

#8 Segur es interessant... Amai se me podètz balhar d'autras pistas d'analisi (articles, sits, libres...) per plan comprene las consequéncias psicologicas, tant individualas coma collectivas, de l'escafament d'una lenga per una autra, me faria gaug.
Mas tot aquò explica pas perqué Provença e pas las autras regions occitanas... Se lo mal venia pas que de la nòstra alienacion, la responsa seria semblabla de'n pertot, non ?
Votar FN, primièr, es un acte racista. Serian mai racistas en Provença ? Cal rampelar lo "masèl dels italians" a Aigas-Mòrtas fa un sègle ? O benlèu aquela escòrna plan espandida sus la còsta de "gavach" o d'"estrangèr" facha a los que son pas del pais ? Sabi pas : espèri la responsa d'un mai qualificat. Mas benlèu los occitanistas estiman mai espepissar sus la R rotlada o las termièras del vivarò-alpenc...

me conven aquela pista de reflexion sus l eleitorat dau Fn : http://www.p-n-o.org/alienationprov.htm

#6 Òc, lo prèmi Hélène Carrère d'Encausse, se l'amerita d'a fons ! Una ignorància de la realitat sociolingüistica que fai paur !