Ne parlèrem ja dins Jornalet en genièr. La petita entrepresa marselhesa Wiko, filiala de la companhiá chinesa Tinno, es venguda la primièra del país e la tresena de l’estat francés, en exportant per tota Euròpa lo telefòn mobil Wiko Cink Slim, qu’es estat un dels presents mai populars de Calendas.
Ara ne parla Le Nouvel Observateur que n’analisa la reüssida espectaclosa.
Creèron la societat en febrièr de 2011 a Marselha. Comencèt a far de telefòns mobils pels operators, qu’alavetz los vendián subvencionats dins lors botigas. Amb l’arribada dels esmartfòns, la companhiá occitana prepausèt d’aparelhs tres còps mens cars que los concurrents. Las vendas “fòra paquet operator”, non restacadas a un abonament, representan 50% del mercat.
Dins l’analisi que se fa d’aquela reüssida, se soslinha que lo prètz es a melhor mercat, qu’es un telefòn liure non estacat a cap de companhiá, que las performanças tecnicas son corrèctas e que i a un engenhós sistèma de doble SIM. Al delà, la pagina de planhs sus Facebook a solament 1000 seguidors e las criticas per Twitter son fòrça mens nombrosas que las dels autres aparelhs.
Ara ne parla Le Nouvel Observateur que n’analisa la reüssida espectaclosa.
Creèron la societat en febrièr de 2011 a Marselha. Comencèt a far de telefòns mobils pels operators, qu’alavetz los vendián subvencionats dins lors botigas. Amb l’arribada dels esmartfòns, la companhiá occitana prepausèt d’aparelhs tres còps mens cars que los concurrents. Las vendas “fòra paquet operator”, non restacadas a un abonament, representan 50% del mercat.
Dins l’analisi que se fa d’aquela reüssida, se soslinha que lo prètz es a melhor mercat, qu’es un telefòn liure non estacat a cap de companhiá, que las performanças tecnicas son corrèctas e que i a un engenhós sistèma de doble SIM. Al delà, la pagina de planhs sus Facebook a solament 1000 seguidors e las criticas per Twitter son fòrça mens nombrosas que las dels autres aparelhs.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari