Actualitats
De “castellers” pertot en Euròpa per revendicar lo drech dels catalans de votar l’independéncia
Ièr a miègjorn, 71 còlas de “castellers” catalanas, dont mai de 5000 personas, faguèron de “castells” per Euròpa tota, per revendicar lo referendum per l’independéncia de Catalonha, que se deu debanar lo 9 de novembre, mas que l’estat espanhòl lo vòl empedir.
Organizats per l’associacion Òmnium Cultural jol lèma “los catalans volèm votar”, las construccions umanas se son levadas dins un cinquantenat de vilas catalanas e dins sèt capitalas europèas: Londres, Lisbona, París, Roma, Genèva, Berlin e Brussèlas, simultanèament a miègjorn. D’autres “castellers” an fach tanben lors accions a Santiago de Chile, Montréal de Quebèc e Pampalona, ont an sostengut la cadena umana del Bascoat pel drech de decidir.
Dins aquelas vilas i aviá tanben de pairins de l’eveniment que legiguèron lo manifèst. Demest aqueles pairins cal soslinhar la participacion de l’esportiu Pep Guardiola a Berlin, del musician Jordi Savall a París o de l’istorian Paul Preston a Londres.
La jornada, qu’aviá la tòca d’internacionalizar lo procès independentista de Catalonha, foguèt un grand succès segon la presidenta d’Òmnium Cultural, Muriel Casals, que vegèt dins los “castellers” un simbòl de coratge e d’esfòrç collectiu per véncer l’impossible: “Avèm donat lo messatge a Euròpa de qual son los catalans, que vòlon e cossí pretendon partejar lor avenidor amb los ciutadans de l’Euròpa del sègle XXI”.
Tuits sobre "#catalanswanttovote"
Organizats per l’associacion Òmnium Cultural jol lèma “los catalans volèm votar”, las construccions umanas se son levadas dins un cinquantenat de vilas catalanas e dins sèt capitalas europèas: Londres, Lisbona, París, Roma, Genèva, Berlin e Brussèlas, simultanèament a miègjorn. D’autres “castellers” an fach tanben lors accions a Santiago de Chile, Montréal de Quebèc e Pampalona, ont an sostengut la cadena umana del Bascoat pel drech de decidir.
Dins aquelas vilas i aviá tanben de pairins de l’eveniment que legiguèron lo manifèst. Demest aqueles pairins cal soslinhar la participacion de l’esportiu Pep Guardiola a Berlin, del musician Jordi Savall a París o de l’istorian Paul Preston a Londres.
La jornada, qu’aviá la tòca d’internacionalizar lo procès independentista de Catalonha, foguèt un grand succès segon la presidenta d’Òmnium Cultural, Muriel Casals, que vegèt dins los “castellers” un simbòl de coratge e d’esfòrç collectiu per véncer l’impossible: “Avèm donat lo messatge a Euròpa de qual son los catalans, que vòlon e cossí pretendon partejar lor avenidor amb los ciutadans de l’Euròpa del sègle XXI”.
Tuits sobre "#catalanswanttovote"
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1
Aqueste commentari prova la necessitat d'ensenhar nostra historia a l'escola, perque cossi demembrar que lo 12 septembre 1213, lo rei catalan, comte de Barcelona, Pierre II d’Aragon es mort à Muret perque era vengut ajudar los occitans contre la crusada dels frances venguts nos far la guerra.
Los catalans son mai que nos cosins, son nos fraires de sang, pensi qu' es la mendre de causa de los sostenir ara , non?
Vos emmèrdan los catalans de voler far un referèndum?!
Polida mentalitat!
A ieu es lo vòstre comentari que m'emmèrda
#1 Aquí reconeissi l'anticatalanisme primari (es un eufemisme) de qualques uns que se creson superiors per èsser de la republica francesa. Dire d'asenanas aital suls castellers, o cal far me damne! Es plan conegut que de l'autre costat del Pirinèu i a pas que de pès terroses. E de qué vòlon aqueles pacans? Ai tanben un cosin que ditz totjorn que los catalans son... digam especials. Es qu'es pas un pauc especial lo cosin quand ditz aquò? Coma disiá Lluis Llach: "Més val un pòble brut i que sigui dempeus". Anem: per aqueste afranchimandit de la clòsca; "On ne peut contenter tout le monde et son père". Vos cal tornar legir "Le meunier, son fils et l'âne". Los catalans an acabat de legir la faula mentre que vos ne sètz encara al començament.
#1
Al mens , fan quicom per lor pais, que fasem nosautres? Gaita un pauc ço que fan los Bretons, los Corses, los Bascas, e ara los Catalans. E nosautres? A luoc de daissar commentaris coma aquel, fariem mielh de trobar quicom per aver un vertadiera visibilitat en França, e en Europa...
#1 Volèm pas emmerdar degun, los catalans nos emmerdam solament nosautres perque lutam per la libertat de lo nòstre pòble. Se quauquarrés emmerda Occitània fins al còl es França, o dobtes pas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari