Victòria per Nissa ! Victòria per Occitània !
Ai augut l'onor d'assistre, a l'aeropoart de Nissa lo 9 de junh, a l'acuelh dei jugaires de la "Selecioun de la Countea de Nissa", li rapresentavi la Republica Federala Occitana e la República de Nissa, que li es federada.
Vos poadi assegurar de l'estrambòrd general dei suportaires que cantàvon en òc, de segur !
Vequí de fòtos mieui de l'eveniment :
https://www.facebook.com/cristou.daurorenissa/media_set?set=a.10203144611087483.1073741961.1573368757&type=1
Article de Le Point :
http://www.lepoint.fr/insolite/le-comte-de-nice-champion-du-monde-13-06-2014-1835831_48.php

Sabi que lo jugaire Mansour Assoumani viu a Montpelhier, d'autres en Provença, un a Dunkerque.
Per la Republica Federala Occitana, lo critèri per participar ai votacions es de estaire en Occitània ò d'aver de familha ò una adreissa en Occitània per lu expatriats.
http://votacion2014-rfoccitana.over-blog.com/2014/04/version-en-frances-la-votacion-presidenciala-de-la-republica-federala-occitana-comencera-lo-dimarc-2-de-mai-2014-a-partir-de-miejanu

Reconoissi que l'occitanitat de la chorma la "Selecioun" e de la Comtea de Nissa non son mencionadi,
mas non es li rendre servici de li regitar, la consciença de parlar un dialècte d'òc ò d'èstre en Occitània es foarça deble aquí. A diferenti rasons : siam anexats a França despí dau 1860 e dau 1947 per tres autres vilatges. L'assimilacion a França si faguèt d'un biais mai "eficaci" en gaire de temps ...
L'occitanitat de Nissa si pòu emparar solament en lu cors d'occitan que tòcon en lo segondari solament 1,3 % de l'ensems dei escolans. La bandiera d'Occitània es gaire conoissuda e pura la rendèm visibla, darrier eveniment dau 29 de mai :
https://www.facebook.com/photo.php?fbid=10203073850358509&set=a.10203069998022203.1073741956.1573368757&type=3&theater

A l'escadença de la Fèsta Nacionala Occitana lo 17 de junh (creada da la Val d'Aran), la Republica Federala Occitana organiserà una minuta de silenci a 12 oras en Occitània tota, pi 19o30 à Nissa un omatge a la "Selecioun" e a doi personatges d'Occitània :
https://www.facebook.com/events/255074684684119/

#12 "benlèu que se los lengadocians d'Anèm òc avian volgut manifestar a Niça..."

Enfin... un declic, una presa de consciéncia que cal sortir de Lengadòc per la manif panoccitana (panoccitan : definicion necita ?). Mas non, es per "galejar..." Pecaire...

Un constat : Marselha 1era ciutat d'Occitània,
Tolosa segonda
Niça tèrça.

Mas una realitat per la manif per l'occitan = Carcassona, Besièrs, re Carcassona e... Tolosa (pas Mureth ni Sant Orenç de Gamavila, mas seriá estat mai parier).

I a un problèma... inadeqüacion entre los dos !

Cresi que totes sabon jogar. Lo primièr problèma es lo nivèl de jòc. Aital Curdistan venguèt amb una còla mens fòrta que los mai fòrts èran "retenguts" pel campionat d'Iraq (finalament anullat que sabèm çò que s'i passa...) E lo segond es l'identitat. Emai se la seleccion occitana fa d'esfòrces dels bèls rapòrt a la lenga, e es de solinhar, l'identitat occitana a de mala s'espandir del costat de Niça (benlèu que se los lengadocians d'Anèm òc avian volgut manifestar a Niça... galèji...)

#9 Qu'avetz rason e la mia arremarca morganhosa ne tira pas nada huelha au laurèr nissard. Acampar ua equipa e portar-se'n la copa en un mes, aquò muisha los seleccionaires qu'apliquèn au mensh un critèri deus senats : que's causín jogaires qui sabèvan har au balon :) .

#9 Que lu occitans sostèngon o pas la chorma de la Contea cambierà ren : lu nissardistas son totjorn estats d'anti-occitans primaris despí de lònga. E ai totjorn vist mai d'agressivitat dau costat dei nissarts que dei occitans. Si fa lo repròche que la Seleccion d'Occitània non a jamai convidat de jugaires nissarts : tantotun l'auguesse fach, siáu segur que lu nissarts auríon pas vorgut.