La lucha exemplara dels salariats provençals de Fralib capitèt ben contra la multinacionala Unilever. Lo 25 de mai passat se’n signèt un protocòl que demòstra que, quand se lucha per la dignitat, l’utopia es possibla. 1336 jorns de lucha e de resisténcia contra una deslocalizacion injusta son arribats a la creacion d’una societat cooperativa.
 
Unilever, qu’al delà del sit provençal a d’usinas en Anglatèrra, Belgica e Polonha, presentèt un plan de deslocalizacion que cercava de licenciar los 182 salariats del sit de Gèmas (País Marselhés). En 2010 los salariats ocupèron l’usina e denoncièron aquel plan de deslocalizacion. La resisténcia ferma dels salariats e la solidaritat obrièra de pertot obliguèron lo ministre socialista francés, Arnaud Montebourg, d’aviar las negociacions. Lo resultat es la constitucion d’una societat cooperativa obrièra que fabricarà una novèla marca de tè provençal.
 
Tres ans e mièg de resisténcia exemplara an fach nàisser una novèla societat cooperativa e una òbra de teatre, menada a tèrme pels quites salariats, ont explican las vicissituds d’aqueste long combat.
 
Gérard Cazorla, secretari del comitat dels trabalhadors, ne parla dins La Setmana.


___
La Setmana: Un còp èran los FRALIBs