Actualitats
Los menaires de taxi d’Euròpa contra las aplicacions de coveituratge
Las protèstas a París an provocat de retencions de 300 km
Los taxistas de las principalas vilas europèas an manifestat contra las aplicacions de telefòn mobil, coma Uber, qu’ofrisson de coveituratge en de veïculs particulars. La protèsta es estada nombrosa a Madrid, Barcelona, Londres e París. Dins la capitala francesa la cauma dels taxistas provoquèt ièr de matin de retencions de transit amb de coas de mai de 300 quilomètres als accèsses de la vila francesa. Aquò es mai del doble d’un jorn amb de problèmas serioses de transit.
De centenats de taxis partiguèron amassa, en caravana, dempuèi los aeropòrts Charles de Gaulle e Orly en direccion del centre de París a marcha fòrça lenta. An nomenat aquela protèsta “operacion cagaròl”.
A Londres, almens 12 000 menaires de taxis jonguèron la protèsta, que comencèt a miègjorn, e que provoquèt tanben d’importants problèmas de transit. Barcelona vegèt mai de 2000 taxis en protèsta.
Lo coveituratge, que fa de temps que se practica per de desplaçaments longs, es fòrça mai aisit tanben pels petits desplaçaments, e aquelas aplicacions per telefòn mobil ajudan fòrça a o far. Es un sistèma fòrça ecologic e economic. Mas los representants dels menaires de taxi parisencs o considèran una “concurréncia desleiala”, per tant, demandan que los poders publics “prengan seriosament” aquel problèma e que “tròben de solucions definitivas per restablir las condicions de concurréncia”. Los taxistas de Londres dison qu’an pas res contra la concurréncia mas qu’“Uber opèra en defòra de la lei”.
De centenats de taxis partiguèron amassa, en caravana, dempuèi los aeropòrts Charles de Gaulle e Orly en direccion del centre de París a marcha fòrça lenta. An nomenat aquela protèsta “operacion cagaròl”.
A Londres, almens 12 000 menaires de taxis jonguèron la protèsta, que comencèt a miègjorn, e que provoquèt tanben d’importants problèmas de transit. Barcelona vegèt mai de 2000 taxis en protèsta.
Lo coveituratge, que fa de temps que se practica per de desplaçaments longs, es fòrça mai aisit tanben pels petits desplaçaments, e aquelas aplicacions per telefòn mobil ajudan fòrça a o far. Es un sistèma fòrça ecologic e economic. Mas los representants dels menaires de taxi parisencs o considèran una “concurréncia desleiala”, per tant, demandan que los poders publics “prengan seriosament” aquel problèma e que “tròben de solucions definitivas per restablir las condicions de concurréncia”. Los taxistas de Londres dison qu’an pas res contra la concurréncia mas qu’“Uber opèra en defòra de la lei”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Èri a dus dets de dire la meteissa causa. Per contra, lo coveituratge existís amb d'apps tanben, e la locacion de veituras entre personas. Las entrepresas de locacion tardaràn pas a romegar, coma l'ostalariá contra Air BnB.
Uber non es pas una aplicacion de coveituratge... Es un servici de locacion de carris amb calfaire. Se paga per un servici, se tracta pas de partejar lo còst d'un trajècte coma lo coveituratge vertadièr.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari