Abans lo començament de la partida, l'estadi tolosenc perpausèt quaques cambiaments dens la compausicion de la soa còla. Sus nafraduras Donguy deishèt la soa plaça de titular a Matanavou e Milo Chuski la soa de remplaçant a Nyanga. Mès la suspresa deu cap Novès fut de véder McAlister com numèro 10 a la plaça de Bauxis e la titularisacion de Yann David au centre.
La purmèira tempsada fut un combat d'avant. Tolosa prit lo dessús en mesclada mes Tolon dab una preséncia de las bonas de la soa tresau linha dab Armitage, Fernadez Lobbe e Van Niekerk permetot aus varés de ganhar la luta deus rucks. Era donc logic d'aver un 9 a 9 apuei quaranta minutas de jòc e un 100% deus tustaires tolonés e tolosencs.
Las quinze purmèiras minutas de la seconda tempsada furen a l'imatge de la purmèira mieitemps. Normaument, a aqueth moment de la partida, l'arbtitre fit passar un messatge aus dus capitanis per demandar mei de rigor aus tolonés en mesclada e la medisha causa aus tolosencs dens los rucks. E a la sheisenta quatau minuta sus una mesclada dens los lors trenta metres, los tolonés furen sancionats per un carton jaune peu pielar Kubriashvili. Tolosa marquèt los tres punts de penalitat. Tres minutas apuei sus una accion lançada per Mc Alister, Tolosa concretisèt un temps hòrt dab una navèra penalitat.
A cinc minuta de la fin Tolon, pas enqüèra vinçut, joguèt una penalitat e ne podot passar los dus darrèirs metres tant importants per marcar un ensai.
Mes la vertadièra veishiga de la partida se joguèt a la darrèira segonda deu temps oficiau sus un endavant de Bauxis tornat préner davant per Clerc çò qu'aurèi meritat una penalitat. Sus la darrèira accion que durava dus minutas los tolonés ne podoren pas marcar l'ensai de la victòria. L'arbitra desbrombèt benleu de shiular una o duas penalitats contra los tolosencs que joguèren sus aqueras duas minutas perfeitament lo hòra jòc.
Uei n'avem pas vist nat ensai mes una finala se joga davant e Tolosa dens lo sector de la mescalada fut lo mielhor.
Los tolonés poden, aqueth ser, har dòu de pérder la dusau finala de la sason.
Au finau Mc Alister 18 Wilkinson 12.
Eric Goyhenne
Eric Goyhenne
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Un locutor breton de Rosko (Roscoff) que'm digo un bèth dia que Toulouz e volè díser"trauc de mèrda" en la sua lengua. Tol que pòt efectivament èster un etimon celtic qui significa horat, trauc. Lo nom deu capdulh deus Volques Tectosages que poiré hèr referéncia au nombre impressionant de putz (mes de 400 recensats, mes d'un dab tresaurs d'aur e d'argent esconuts laguens, cap de mèrda aquiu) qui trobam suu sit de l'ancian oppidum de Tolosa (uei Vielha Tolosa) a 10 km de la Tolosa nava, l'actuau, de fondacion romana mes recenta.
O dilhèu Tol èra lo diu deu rugbí en l'antiquitat, qui sap?
E ben, las doas mièja-finalas + la finala :
32 còps de pè (30 penalitats e 2 tombats)
Òu, los quinzistas, avètz perdut lo biais de marcar d'ensags ?????????????????????????????????????
Fariatz d'estalvis en organizant concorses de còps de pè !!!!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari