6000 personas, segon la polícia, an participat dimenge de ser a Tolosa a una caminada silenciosa en omenatge a las victimas de Mohamed Merah; contra lo racisme, l'antisemitisme e lo terrorisme.
Los manifestants an desfilat en silenci dins lo quartièr de la Roseda, ont tres mainats e un ensenhaire josieus foguèron tuats diluns passat per Mohamed Merah.
A l'entèsta del cortègi multiconfessional i aviá de representants de la comunitat josieva, islamica, e los màgers responsables politics e religioses de la ciutat mondina.
A Agen, una caminada similara s'es estada debanada. Defòra d'Occitània de caminadas e de concentracions se son produsidas a Estrasborg, Lion e París.
Abdelkader Merah mes en examen
Aquel meteis jorn, lo fraire de l'assassin, Abdelkader Merah, es estat mes en examen e empresonat per complicitat d'assassinats e associacion de malfachors en vista de la preparacion d'actes de terrorisme.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari