A la demanda de Pierre Cohen, conse de la ciutat mondina, Arnaud Montebourg (ministri deu redreçament productiu) mandarà un conselhèir per estudiar e cercar solucions a l'anóncia de barradura de Freescale (fabricacion de circuits integrats), prevista per agost.
Après tres ans de lutas sendicalas per s'opausar a la barradura deu sit (la direccion vòu tornar implantar l'usina aus Estats Units), la classa politica s'interessa au dorsèir Freescale. Dimars 5 de junh, Pierre Cohen mandèt un corrèu au ministèri d'Arnaud Montebourg, per demandar una expertisa de la partida produccion de l'enterpresa.
Mensh de duas setmanas après son intervencion a Gèma (Brinholenc) per aviar una procedura de represa de la fabrica Fralib, la responsa a la demanda de Pierre Cohen s'es pas hèita esperar. Montebourg anoncièt la setmana passada qu'encargaré John Palacin (un conselhèir deu ministri) de prénder contàcte dab la direccion deu grop, los representants deus emplegats e los elegits, entà soscar a las solucions possiblas per mantenir l'activitat. Mei de 1000 emplecs son concernits per la menaça de barradura, repartits entre 572 permanents e 500 interimaris.
Pèir-Joan Masdiset
Pèir-Joan Masdiset
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari