Diluns de ser trobèron un jove romanés de 16 ans, d’etnia gitana, dins un carreton de supermercat abandonat, entre la vida e la mòrt. Venián de l’agredir un dotzenat de personas, e la majoritat dels còps los aviá recebuts al cap.
 
Los agressors, qu’acusavan la victima d’aver comés un cambriolatge al quartièr vesin, l’anèron quèrre, lo raubèron e après l’agression brutala l’abandonèron en estat fòrça grèu. Segon las autoritats se tracta d’una venjança e del clima d’inseguretat del quartièr.
 
Lo president francés, François Hollande, exprimiguèt “son indignacion” dins un comunicat publicat per l’Elisi, dimars passat. “Aqueles actes son innomenables e injustificables”. Lo primièr ministre, Manuel Valls, condemnèt “amb una granda fermetat” aquela agression “inacceptabla”, del temps qu’assegurèt que menariá los responsables davant la justícia.


Pierrefitte: le lynchage d'un jeune Rom...per leparisienAFP