Actualitats
Felip VI es vengut lo nòu rei d’Espanha mentre que las manifestacions e las bandièras republicanas èran interdichas
Felip VI es ara lo rei d’Espanha. Lo monarca dels darrièrs 39 ans, Joan Carles Ir, signèt dimècres de ser la lei que fixa son abdicacion. Dins son darrièr acte coma cap de l’estat, dins lo Palais Reial, lo rei Joan Carles signèt la lei e, en seguida, abracèt son filh, que lo 19 de junh a 0h venguèt lo rei Felip VI.
Dijòus de matin se debanèron los actes de la proclamacion del nòu rei. El, abilhat de militar, relevèt son paire coma cap de l’armada, e anèt al Congrès dels Deputats per i far lo sieu primièr discors, acompanhat de sa femna, la reina Letícia, e de sas filhas, las infantas Alienòr e Sofia. Los actes s’acabèron amb una recepcion al Palais Reial de Madrid.
Ara: los representants al Congrès dels principals partits d’esquèrra catalans, bascos, aragoneses e galècs (ÈRC, ICV, Compromís, CHA, Amaiur, BNG, Geroa Bai) e tanben Esquèrra Unida i èran pas.
Enebisson las manifestacions e las bandièras republicanas
Aquel dijòus passat, jorn de la proclamacion, i aviá a Madrid mai de 7000 policièrs, amb de tiraires especializats plaçats sus las bastissas mai nautas del percors del nòu rei. Al delà, qualques antisusmautas contrarotlèron las massas. Lo ministre espanhòl de l’interior enebiguèt totas las manifestacions per aquel jorn, e tanben las bandièras republicanas, sus la basa de la lei de proteccion ciutadana que permet de retirar de simbòls.
Xàtiva: de ribans negres contra los Borbon
Tant que Felip VI se proclamava rei d’Espanha lo 19 de junh de 2014, la vila de Xàtiva, al País Valencian, remembrava que lo 19 de junh de 1707, Felip V, lo primièr dels Borbon, faguèt cremar tota la vila. Aquel trist anniversari a pres ongan un sens especial, e per aquò los balcons e las fenèstras dels ostals èran ornats de drapèls de la vila amb un riban negre.
La vila, qu’a pas jamai desmembrat aquel episòdi de la Guèrra de Succession, qu’Aragon e totes los Païses Catalans i perdèron lors dreches e libertats e que se i enebiguèt quitament lor lenga. Es per aquò que lo retrach de Felip V es penjat lo cap enbàs.
En remembre e omenatge a Xàtiva, lo jornal catalan Vilaweb publiquèt lo cap enbàs totas las fòtos restacadas a la coronacion de Felip VI.
Dijòus de matin se debanèron los actes de la proclamacion del nòu rei. El, abilhat de militar, relevèt son paire coma cap de l’armada, e anèt al Congrès dels Deputats per i far lo sieu primièr discors, acompanhat de sa femna, la reina Letícia, e de sas filhas, las infantas Alienòr e Sofia. Los actes s’acabèron amb una recepcion al Palais Reial de Madrid.
Ara: los representants al Congrès dels principals partits d’esquèrra catalans, bascos, aragoneses e galècs (ÈRC, ICV, Compromís, CHA, Amaiur, BNG, Geroa Bai) e tanben Esquèrra Unida i èran pas.
Enebisson las manifestacions e las bandièras republicanas
Aquel dijòus passat, jorn de la proclamacion, i aviá a Madrid mai de 7000 policièrs, amb de tiraires especializats plaçats sus las bastissas mai nautas del percors del nòu rei. Al delà, qualques antisusmautas contrarotlèron las massas. Lo ministre espanhòl de l’interior enebiguèt totas las manifestacions per aquel jorn, e tanben las bandièras republicanas, sus la basa de la lei de proteccion ciutadana que permet de retirar de simbòls.
Xàtiva: de ribans negres contra los Borbon
Tant que Felip VI se proclamava rei d’Espanha lo 19 de junh de 2014, la vila de Xàtiva, al País Valencian, remembrava que lo 19 de junh de 1707, Felip V, lo primièr dels Borbon, faguèt cremar tota la vila. Aquel trist anniversari a pres ongan un sens especial, e per aquò los balcons e las fenèstras dels ostals èran ornats de drapèls de la vila amb un riban negre.
La vila, qu’a pas jamai desmembrat aquel episòdi de la Guèrra de Succession, qu’Aragon e totes los Païses Catalans i perdèron lors dreches e libertats e que se i enebiguèt quitament lor lenga. Es per aquò que lo retrach de Felip V es penjat lo cap enbàs.
En remembre e omenatge a Xàtiva, lo jornal catalan Vilaweb publiquèt lo cap enbàs totas las fòtos restacadas a la coronacion de Felip VI.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
tots aqueths comentaris entà jo que son conerias, en França qu'avem desempuix dus sègles ua arrepublica e n'ei pa per autant qu'avem ua democracia vertadera que vs vòi dar un exemple, un partit politic qu'arrepresenta casi 20 % dera populacion n'a pas que 2 deputats e encòra piri eras despensas de palais deth Eliseu qu'arrepresentan milions d'euros dab 1500 fonccionaris ath servici d'un arrei eleguit per 5 ans .en Englaterra er'arreina qu'arrepresenta era unitat deth pais e tots eths Anglès que l'arrespectan ,un arrei que's prepara tota era sua vita ath sué tribalh d'arrei en pormor d'aquerò ua monarquia constitucionau pòt estar melhor qu'ua arrepublica on eth president n'a pas que 5 ans entà mercar er'istòria e hèr-se valer .
Els catalans no tenim Rei.
Ni espanya Ni França...... ni Borbons!!!
« En remembre e omenatge a Xàtiva, lo jornal catalan Vilaweb publiquèt lo cap enbàs totas las fòtos restacadas a la coronacion de Felip VI. » L'avantatge evident estant qu'un cap en bas a fòrça mai dificultats a s'i gardar la corona dessús. D'aiceste costat dels Pirenèus, i a qualques Borbons que se'n mainèron fòrt plan, fa mai de dos sègles, ja…
#1 Espanha a pas besonh d'una republica, mas los Castelhans, los Basques, Los Gallècs, Los Catalans, Los Occitans, los Andaloses, si que n'an besonh. Las republicas son pas un afar d'estat, mas un afar de pòbles en luchas contra l'opression e l'espelitacion capitalista. Totes los pòbles an naturalament besonh de luchar contra l'espleitacion inegalitarista del capitalisme. E perqué pas amb una republica, espanhòla o pas ? Degun a pas jamai agut vocacion a servir de parasitis… se que non dins los sòmis fadòrles dels "mèstres del mond".
de tota faiçon Espanha n'a pas besonh d'ua republica era sua istòria qu'ei atau, a cada còp qui avó ua republica en Espanha tot que s'ac acabè dab ua catastròfa .
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari