La cantaira estatsunidenca susprenguèt dins sa tornada en Euròpa de 2012 en incorporant dins son espectacle una cançon tradicionala basca, que la cantava amb los tres musicians del grop Kalakan.
 
La cantaira los coneguèt quan fasiá sas vacanças en Bascoat Nòrd, perque joguèron dins una fèsta d’anniversari ont èran ela e sa familha. Lo trio, que fa de cançons tradicionalas bascas, agradèt fòrça a la reina del pòp, que decidiguèt d’incorporar la cançon Sagarra jo (pica la poma), un aire tradicional que parla de la recòlta de las pomas.
 
Pendent aquela tornada, los realizaires Iban Rusiñol e Nicolas Novion seguiguèron Madonna e los Kalakan en tot enregistrar dins lo documentari entitolat Sagarra bildu (amassar la poma). Dins aquel filme, los realizaires mòstran las interioritats d’una granda estela coma Madonna e prepausan una reflexion sus la cultura basca e la mondializacion, sus la tradicion e la modernitat.