Actualitats
De scientifics del mond entièr se son amassats a Lhèida per estudiar l’occitan
Lo congrès de l’AIEO s’es debanat gaireben tot en lenga nòstra
La setmana passada, la vila de Lhèida (Catalonha) aculhiguèt l’11n congrès de l’Associacion Internacionala d’Estudis Occitans (AIEO). Qualques 150 cercaires d’un dotzenat d’estats del Mond entièr i venguèron partejar lors coneissenças en de matèrias plan divèrsas, mas totas en rapòrt amb Occitània, sa lenga e sa cultura. E mai i ajan cabit d’intervencions dins d’autras lengas romanicas, pel primièr còp dins l’istòria de l’AIEO, la lenga principala foguèt l’occitan, tant per las comunicacions scientificas coma dins l’organizacion.
Las comunicacions, que tractavan de lingüistica, de literatura e de cultura occitanas, èran organizadas per camps d’estudi en tres obradors, entrecopats per de sessions plenàrias, de taulas redondas e d’actes culturals. La jornada de dimècres 18 de junh, los congressistas la passèron a vistalhar la Val d’Aran, ont foguèron aculhits institucionalament pel Govèrn aranés. Los responsables de la politica lingüistica de l’occitan dels dos govèrns catalan e aranés e d’autras autoritats participèron a una taula redonda ont presentèron lors prètzfaches dins aqueste domeni. Lo congrès foguèt l’escasença de presentar en avant-première los resultats de l’enquèsta de la Generalitat de Catalonha suls usatges lingüistics en Val d’Aran. Jacme Taupiac foguèt a l’onor, que li foguèt decernit lo Prèmi Robèrt Lafont. A mai, se rendèt omenatge al medievalista catalan Martí de Riquer. Lo banquet de comjat, ont l’assisténcia entonèt en còr la cançon de la Copa Santa, foguèt tanben l’escasença de remembrar lo regretat fondador de l’AIEO, Peter Ricketts. Coma divertiment, lo programa comprenguèt tanben los concèrts de la cantaira aranesa Alidé Sans e del grop de musica tradicionala e medievala Kaj Tiel Plu.
Èra lo primièr còp que lo congrès triennal de l’AIEO se teniá dins un territòri ont l’occitan es lenga oficiala, çò qu’aguèt una influéncia plan visibla dins los usatges. Esperem qu’aquò siá un ponch d’inflexion dins la trajectòria de l’associacion e que l’emplec de l’occitan coma lenga referenciala contunhe de se far sentir amb tant de vam dins las edicions venentas.
Rafèu Sichel-Bazin
Las comunicacions, que tractavan de lingüistica, de literatura e de cultura occitanas, èran organizadas per camps d’estudi en tres obradors, entrecopats per de sessions plenàrias, de taulas redondas e d’actes culturals. La jornada de dimècres 18 de junh, los congressistas la passèron a vistalhar la Val d’Aran, ont foguèron aculhits institucionalament pel Govèrn aranés. Los responsables de la politica lingüistica de l’occitan dels dos govèrns catalan e aranés e d’autras autoritats participèron a una taula redonda ont presentèron lors prètzfaches dins aqueste domeni. Lo congrès foguèt l’escasença de presentar en avant-première los resultats de l’enquèsta de la Generalitat de Catalonha suls usatges lingüistics en Val d’Aran. Jacme Taupiac foguèt a l’onor, que li foguèt decernit lo Prèmi Robèrt Lafont. A mai, se rendèt omenatge al medievalista catalan Martí de Riquer. Lo banquet de comjat, ont l’assisténcia entonèt en còr la cançon de la Copa Santa, foguèt tanben l’escasença de remembrar lo regretat fondador de l’AIEO, Peter Ricketts. Coma divertiment, lo programa comprenguèt tanben los concèrts de la cantaira aranesa Alidé Sans e del grop de musica tradicionala e medievala Kaj Tiel Plu.
Èra lo primièr còp que lo congrès triennal de l’AIEO se teniá dins un territòri ont l’occitan es lenga oficiala, çò qu’aguèt una influéncia plan visibla dins los usatges. Esperem qu’aquò siá un ponch d’inflexion dins la trajectòria de l’associacion e que l’emplec de l’occitan coma lenga referenciala contunhe de se far sentir amb tant de vam dins las edicions venentas.
Rafèu Sichel-Bazin
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Companh, encara sem aicí? Coralament, Artur Quintna i Font
a jo que'm haré gòi que tot aqueth monde sabent qu' arreconegossen era particularitat distincta deth Gascon per rapòrt aths autes parlars d'òc ,si consideram eth Catala diferent deth occitan, que cau considerar qu' eth Gascon ei autan diferent deth occitan ,que sia per sué lexic,eth sué sistèma verbau e era sua sintaxa .
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari