Francis Vennat, director regional de l’INSEE de Lengadòc-Rosselhon, es vengut presentar al prefècte d’Aude e als actors economics e socials del departament la darrièra sintèsi estatistica d’Aude, aqueste 20 de junh a la prefectura de Carcassona.
Lo primièr fach de notar es que lo departament d’Aude es lo segond mai paure de l’estat francés (la 1a plaça va al departament de la Sèina Saint-Denis), çò que ne fa lo departament mai paure d’Occitània amb un taus de pauretat monetària de 12%. Lo segond taus catastrofic anonciat per l’estatistician es lo del caumatge amb una populacion audenca sens trabalh a nautor del 14%.
Vennat liga aquesta situacion sinistra a l’atractivitat del departament. Las chifras mòstran que sonque lo 50% dels arribaires son en situacion d’emplec. Amb lo 19% de pensionats per l’autra mitat, aquò fa qu’un 31% de las personas que se venon installar en Aude son al caumatge. Aquestes neoaudencs per un 80% venon de França e per un 20 % d’Occitània. Segon el, aquesta afluéncia de populacion en besonh d’un sosten social e economic empaurís lo territòri audenc que non a pas las ressorsas financièras per i far fàcia.
La negror d’aqueste tablèu non serà pas esclairada per las perspectivas d’avenidor: pas cap de signe de represa economics es previst segon l’INSEE. L’institut francés de las estatisticas a pas cap de pista d’explorar per soscar a cossí sortir Aude d’aqueste marasme economic e social. Malgrat una indústria toristica en bon estat, lo territòri pèrd 140 emplecs per trimèstre, siá un total de 2800 en 5 ans, e es previst qu’aquò contunhe.
Lo primièr fach de notar es que lo departament d’Aude es lo segond mai paure de l’estat francés (la 1a plaça va al departament de la Sèina Saint-Denis), çò que ne fa lo departament mai paure d’Occitània amb un taus de pauretat monetària de 12%. Lo segond taus catastrofic anonciat per l’estatistician es lo del caumatge amb una populacion audenca sens trabalh a nautor del 14%.
Vennat liga aquesta situacion sinistra a l’atractivitat del departament. Las chifras mòstran que sonque lo 50% dels arribaires son en situacion d’emplec. Amb lo 19% de pensionats per l’autra mitat, aquò fa qu’un 31% de las personas que se venon installar en Aude son al caumatge. Aquestes neoaudencs per un 80% venon de França e per un 20 % d’Occitània. Segon el, aquesta afluéncia de populacion en besonh d’un sosten social e economic empaurís lo territòri audenc que non a pas las ressorsas financièras per i far fàcia.
La negror d’aqueste tablèu non serà pas esclairada per las perspectivas d’avenidor: pas cap de signe de represa economics es previst segon l’INSEE. L’institut francés de las estatisticas a pas cap de pista d’explorar per soscar a cossí sortir Aude d’aqueste marasme economic e social. Malgrat una indústria toristica en bon estat, lo territòri pèrd 140 emplecs per trimèstre, siá un total de 2800 en 5 ans, e es previst qu’aquò contunhe.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
« Malgrat una indústria toristica en bon estat, lo territòri pèrd 140 emplecs per trimèstre, siá un total de 2800 en 5 ans, e es previst qu’aquò contunhe. » E aquò contunharà pendent sègles, tant que de barralhas doanièras se tornaràn pas botar en plaça per empachar la concuréncia desleiala d'emplegaires esclavagistas qu'emplegan Chineses, Bengalins, Filipians o Indians per un crostet de pan cada mes. Per concurrénciar aqueste mond de salvatjariá financiarista liberala, caldriá acceptar, dins Aude coma endacòm mai, de condicions de trabalh dignas de las dels paures esclaus negres als Estats Units a la debuta del sègle XIX !!! Lo capitalisme mondialista enriquesís un ponherat de mond, apaurís mantes autres, e saca dins la misèria totes los autres,, siá per esclavatge, siá per exclusion sociala. Lo capitalisme mondialista es la fin finala de tota democracia que vòl crebar lèu lèu e que ne redemanda.
E pr'aquò, o cantava ja fa bèl brieu los indispensables Marselheses intergalactics de Massilia Sound System : « On veut des métalos, moins de pédalos ! »
Los departaments occitans n'an pas per vocacion d'arcuélher los rmistas chtis en cèrcas deu sorelh. Lhèu ac caleré díser, e hòrt.
Mas Narbona es una vila subrebèla !
E òc, quand prenètz de camins bartassièrs, son pas pus los paisatges de vinhals que fan tant e mai somiar lo torista dins de l'autopista ! Lesinhan de las Corbièras me fa paur a ieu. E aquò's çò meteis quand vos passejatz pel camin de Limós, Esperasan, Quilhan, ... Son totas d'ancianas ciutats obrièras. Pecaire, Aude es lo pus paure departament d'Occitània !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari