De comentaris luxurioses son a submergir la pagina Facebook del departament de polícia d’Stockton, en Califòrnia (Estats Units), après qu’aqueste a publicat la detencion de quatre òmes suspèctes d’aver fach qualques cambriolatges amb d’armas de ponh. La fòto d’un dels detenguts, Jeremy Meeks, s’empliguèt sul pic de comentaris de mond que lo tròban fòrça polit: “Fai-me un enfant”, “Podèm èsser emmanetats ensems?”, “Me podètz raubar quand volgatz”, çò dison qualques unes dels comentaris.
Dins sos 30 ans, Jeremy Meeks es a mand de venir lo delinquent mai polit del Mond. Mai de 90 000 personas an clicat sul boton “m’agrada” sus sa fòto. Mai de 25 000 comentaris parlan de sa beutat jos una fòto, qu’es partejada mai de 12 000 còps sus aquel ret social.
La maire del detengut polit, Katherine Angier, afirma que son filh es un bon crestian, que fa pas partida de cap de banda, e qu’es solament victima dels prejutjats pr’amor qu’a mai d’un tatoatge, segon lo jornal mexican Excélsior. Angier es a ensajar d’amassar los 900 dolars necites per pagar la caucion e liberar son filh, que malgrat totes los compliments e galantariás dels comentaris, a pas recebut cap de don per sa liberacion.
Dins sos 30 ans, Jeremy Meeks es a mand de venir lo delinquent mai polit del Mond. Mai de 90 000 personas an clicat sul boton “m’agrada” sus sa fòto. Mai de 25 000 comentaris parlan de sa beutat jos una fòto, qu’es partejada mai de 12 000 còps sus aquel ret social.
La maire del detengut polit, Katherine Angier, afirma que son filh es un bon crestian, que fa pas partida de cap de banda, e qu’es solament victima dels prejutjats pr’amor qu’a mai d’un tatoatge, segon lo jornal mexican Excélsior. Angier es a ensajar d’amassar los 900 dolars necites per pagar la caucion e liberar son filh, que malgrat totes los compliments e galantariás dels comentaris, a pas recebut cap de don per sa liberacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#19 E per aver la moneda, car Manèl amb qui aguèri l'astre de charrar a Barcelona, avèm creat l'associacion Los Amics de Jornalet: http://www.jornalet.com/pagina/2828/los-amics-de-jornalet
Se tanben aquesta associacion pòt ajudar a la professionalizacion de Jornalet, perqué pas? Soi conscient del trabalh constant de Ferriòl e Domergue, mas cresi qu'un jornal que s'apuèja sus l'energia de doas personas es necessàriament fragil, pr'amor de nòstres limits umans. Desvolopem Jornalet!
#20 Perdon Garric, as rason. Aviái pas respondut a n'aquel ponch. Jornalet es benevòl e professional, que son doas causas que rarament van cotria. E ai parlat del redactor, del corrector, mas ai pas parlat dels collaborators que tanben fan possible jornalet. Urosament que i a de monde per i portar pèira.
#13 "shens progressar tant en qualitat qu'en quantitat o qu'en lectorat"; Ah non ! Per un trabalh benevòl, la qualitat e l'ambicion i son. L'actualitat i es renovelada e plan diversificada.
#13 Veses, al dejós de l'entrevista a Crestian Domergue, un quarrat que ditz "avèm besonh de sosten. Podètz far un don"? A çò que sabi (soi pas lo patron de jornalet) lo monde pensan qu'aquò's un decòr. Benlèu o pensariás tu tanben.
Lo monde que fan jornalet tiran pas gaire de moneda. I a mai de monde qu'es prèst a criticar lo trabalh dels autres (qu'eles fan pas) que non pas de monde que siá prèst a s'engatjar (moneda o trabalh) "As pas qu'a escríver, meilèu que romegar" es una bona responsa. O sabes far mièlhs? Escriu. N'aprendrem de tu.
Aicí a Jornalet i a al mens doas personas que colcan tard cada nuèch: un redactor e un corrector. Doas personas que sabon pas lo sens del mot "dimenjada", per çò que per eles per çò que tòca a jornalet cada jorn es jorn obrant. Se los picas al telefòn a 02 h segurament dormisson pas.
Es aital.
Seriá plan que Jornalet posquèsse engatjar d'autres jornalistas per que posquèssen porgir mai de paginas amb las seccions que classariám plan coma cal las informacions segon: internacional, politica, Occitània, espòrts, economia... Mas per aquò far cal la moneda. E la moneda i es pas.
#15 Ai pas dich aquò. Eric Fraj es evidentament una personalitat importanta de l'occitanisme. Mès francament, son passatge a France Culture es una infò factuala e sens cap de portada dins la societat que vivem. Nos cal pas tornar al temps que l'eveniment mai considerable de la planeta èra la remesa de la cigala d'argent al Ramon Trucassàs, jos-secretari de la mantenença de Carcin-Bàs del Felibritge.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari