Actualitats
Lengadòc-Rosselhon contra la nòva division regionala
Lo conselh regional aprovèt una mocion contra lo projècte de reforma administrativa, e a publicat una peticion en linha
Lo 14 de junh passat, s’amassèt lo conselh regional de la region de Lengadòc-Rosselhon en una sesilha extraordinària, per fin de refusar lo projècte de reforma territoriala que fusionarà aquela region amb Miègjorn-Pirenèus. Los conselhièrs regionals aprovèron una mocion presentada pel president de la region, Christian Bourquin, gaireben a l’unanimitat (65 vòtes en favor, 1 vòte contra e 1 abstencion). Los conselhièrs critiquèron dobèrtament aquela reforma de l’administracion prepausada per François Hollande. La session durèt tres oras.
Bourquin es contra la reforma que vòl far lo sieu pròpri partit, lo PS, pr’amor qu’“a Tolosa se parla d’absorcion e non pas d’agropament”. Al delà, ditz que lo plan d’Hollande auriá de consequéncias plan grèvas per l’economia de la region de Lengadòc-Rosselhon. A explicat sas rasons al primièr ministre, Manuel Valls.
Lo conselh regional de Lengadòc-Rosselhon a mes en linha una peticion de signaturas contra aquela reforma de division regionala.
Bourquin es contra la reforma que vòl far lo sieu pròpri partit, lo PS, pr’amor qu’“a Tolosa se parla d’absorcion e non pas d’agropament”. Al delà, ditz que lo plan d’Hollande auriá de consequéncias plan grèvas per l’economia de la region de Lengadòc-Rosselhon. A explicat sas rasons al primièr ministre, Manuel Valls.
Lo conselh regional de Lengadòc-Rosselhon a mes en linha una peticion de signaturas contra aquela reforma de division regionala.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Adixatz a tots entà asabentà'vs ,era CCI ( chambre de commerce et d'industrie) deras Hautas Pireneas qu' a demandat uei en un arraport officiau ,de tornar estacar eth departament deras Hautas Pireneas a Aquitania .Quei ua debuta , que cau seguir .
Lengadòc es castigat per son passat Frêchista. Per quora lo Partit socialista de Lengadòc-Rossilhon ?
#4
D'accordi amb tu l'amic! Nos cal fusionnar Aquitania amb Gers e Nautas Pireneas , per commençar, e emai Vall d'aran aprep dins una Euro region que s'apelaria segurament Gasconha!
#4
D'accordi amb tu l'amic! Nos cal fusionnar Aquitania amb Gers e Nautas Pireneas , per commençar, e emai Vall d'aran aprep dins una Euro region que s'apelaria segurament Gasconha!
Adixatz a tots ,que sòi d'acòrd dab tots eths qui non vòn pas dera "fusion"meidia pireneas dab eth lengadòc roselhon que m'expliqui ,nosautis enas hautas pireneas e tanben deth Gers qu'em desempuix tostemps virats de cap ara mar grana (ocean atlantique) qu'ei a diser era nosta istòria que's troba d'este costat ,qu'em Gascons entad aquerò diferent deth monde deth Gard ,eths que son de segur brave monde mès proxès deth provencaus non pas que deths Gascons de tota faiçon ara debuta er'arregion meidia Pireneas qu'estè heita de mau dus departaments Gascons mesclats dab ua majoritat de departaments lengadocians .En conclusion dera "fusion" aquera ne'n volem pas .
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari