Actualitats
Helena Costa quita lo Clarmont Fotbòl 63 sens donar d’explicacions
L’entraïnaira diguèt que s’agís d’una decision “purament personala”
L’esportiva portuguesa Helena Costa renoncièt diluns passat a entraïnar l’esquipa de fotbòl de Clarmont-Ferrand. Ièr, dins una conferéncia de premsa brèva, expliquèt als jornalistas que s’agissiá d’una decision “purament personala” e qu’ela o aviá tot explicat al president del club auvernhat, Claude Michy, perque solament a el li deviá rendre de comptes. Còp sec quitèt la sala, segon çò que rapòrta La Montagne.
De son costat Michy diguèt que s’agissiá d’“una decision estonanta, susprenenta, incomprensibla”. Lo president del club expliquèt als jornalistas qu’“ela simplament a dit «me’n vau», avèm pas reüssit a la far chamjar d’avís. Ela partís amb son secret”.
“A un problèma de fisança que s’es installat, mas sabe pas perqué ela es estada destabilizada”, çò apondèt Michy, en disent qu’a l’ora d’ara es a pensar a la seguida. “Lo club es estructurat, i a una còla dirigenta per entraïnar los jogaires. Trobarem un autre entraïnaire, o una entraïnaira”.
Helena Costa es considerada una pionèra dins l’encastre del fotbòl. E mai se fin finala entraïnarà pas lo Clarmont Fotbòl 63, Costa foguèt la primièra femna que venguèt la seleccionaira de l’esquipa femenina de Qatar.
De son costat Michy diguèt que s’agissiá d’“una decision estonanta, susprenenta, incomprensibla”. Lo president del club expliquèt als jornalistas qu’“ela simplament a dit «me’n vau», avèm pas reüssit a la far chamjar d’avís. Ela partís amb son secret”.
“A un problèma de fisança que s’es installat, mas sabe pas perqué ela es estada destabilizada”, çò apondèt Michy, en disent qu’a l’ora d’ara es a pensar a la seguida. “Lo club es estructurat, i a una còla dirigenta per entraïnar los jogaires. Trobarem un autre entraïnaire, o una entraïnaira”.
Helena Costa es considerada una pionèra dins l’encastre del fotbòl. E mai se fin finala entraïnarà pas lo Clarmont Fotbòl 63, Costa foguèt la primièra femna que venguèt la seleccionaira de l’esquipa femenina de Qatar.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Daumatge!
Aquò fa dòl perqué seriá estat interessant d'aver una femna al cap d'una esquipa de fotbòl ... Lo club del Clarmont Fotbòl 63 aviá margat quicòm d'interessant per el e per l'evolucion de las mentalitats. Tanplan benlèu qu'aquò farà flòri endacòm mai (o cal esperar !).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari