Segon un comunicat que ven de publicar, lo conselh general del Felibritge votèt a l’unanimitat una mocion contra la reforma territoriala de l’estat francés, anonciada lo 3 de junh passat. Lo Felibritge vei clar qu’aquela reforma deu pensar las regions a partir dels païses, en abandonant las delimitacions artificialas dels departaments e de las regions actualas. En mai d’aquò, las regions resultantas devon aver de limits confòrmes a l’istòria e a la lenga territoriala.
Aital, los felibres exigisson a l’estat francés “que las nòvas regions sián establidas en conformitat amb las multiplas referéncias socialas, culturalas, geograficas e lingüisticas del país”. Remembran qu’aital o prepausèt lo quite Frederic Mistral dins son discors a Albi lo 24 de mai de 1882.
Al delà, lo Felibritge demanda d’èsser associat a la reflexion complementària que s’instituirà. Dins aquel sens, remembran que lo president de l’estat francés Gaston Doumergue, en 1927, parlèt d’aquel movement occitan coma d’una “fòrça morala de la nacion francesa”. Atanben, se tracta d’un movement pionièr “en lançar la nocion de regionalisme”.
Aital, los felibres exigisson a l’estat francés “que las nòvas regions sián establidas en conformitat amb las multiplas referéncias socialas, culturalas, geograficas e lingüisticas del país”. Remembran qu’aital o prepausèt lo quite Frederic Mistral dins son discors a Albi lo 24 de mai de 1882.
Al delà, lo Felibritge demanda d’èsser associat a la reflexion complementària que s’instituirà. Dins aquel sens, remembran que lo president de l’estat francés Gaston Doumergue, en 1927, parlèt d’aquel movement occitan coma d’una “fòrça morala de la nacion francesa”. Atanben, se tracta d’un movement pionièr “en lançar la nocion de regionalisme”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
M'agradariá de saber se lo felibritge es un movement monarquista o pas, que soi monarquista, sens èstre contra-revolucionari. Existís tanben per Lengadòc? Jo me sentissí lengadocian, e pas occitan. A cadun son dialècte. Soi tanben provincialista.
íùúáÍÓòó
Lo Felibritge que m'estonarà tostemps. Qu'an rason. Ne i a pas nada rason entà que lo govèrn e refuse de talhucar las regions actuaus a l'escadença de la reforma qui a anonciat. Ne i a pas nada rason entà que refuse de restacar, atau, la Leira Atlantica a la Bretanha, o la "Vendée" a Peitau-Charantas, se aquera region e's mantien com cau.
Mes quin se har enténer ? Las oposicions a la reforma que son ua cacofonia dab tantes Conselhs regionaus qui demandan lo mantien de la lor Region entà conservar la lor brigalha de poder.
Qu'a rason, lo Felibritge, de brombar lo son ròtle pionièr per çò qui ei deu tèma deu regionalisme. Mes n'estó pas guaire entenut a l'epòca e probable, ne'n serà pas guaire aqueste còp tanpòc.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari