Actualitats
Bretanha: an manifestat tornarmai a Nantas per la reünificacion del país
Exigisson que se demande als abitants del Léger Atlantic se vòlon o non l’integracion a Bretanha
Aperaquí quinze mila personas manifestèron dissabte passat davant la prefectura de Nantas, en seguissent la crida dels collectius 44=Breizh e Bretanha Reünida, entre d’autres. Los manifestants demandavan un còp de mai l’union del departament del Léger Atlantic amb los quatre autres departaments que forman ja, a l’ora d’ara, la region de Bretanha.
E mai se, lo 19 d’abril passat, dètz mila personas manifestèron ja, a calgut manifestar tornarmai pr’amor de la decision del govèrn francés de non escotar aquela vièlha revendicacion bretona dins la futura reorganizacion regionala de l’estat. Aquò a indignat mantes collectius e formacions bretonas.
Lo departament del Léger Atlantic foguèt separat administrativament de Bretanha per un decret del 1r de julhet de 1941, venent del regim del General Pétain, e aquela separacion s’es mantenguda maldespièch las revendicacions bretonas.
La principala revendicacion dels collectius que manifestèron dissabte passat es que los abitants del departament del Léger Atlantic ajan drech de decidir, en un referendum, l’integracion o non a Bretanha.
E mai se, lo 19 d’abril passat, dètz mila personas manifestèron ja, a calgut manifestar tornarmai pr’amor de la decision del govèrn francés de non escotar aquela vièlha revendicacion bretona dins la futura reorganizacion regionala de l’estat. Aquò a indignat mantes collectius e formacions bretonas.
Lo departament del Léger Atlantic foguèt separat administrativament de Bretanha per un decret del 1r de julhet de 1941, venent del regim del General Pétain, e aquela separacion s’es mantenguda maldespièch las revendicacions bretonas.
La principala revendicacion dels collectius que manifestèron dissabte passat es que los abitants del departament del Léger Atlantic ajan drech de decidir, en un referendum, l’integracion o non a Bretanha.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Qual manifestèt en occitania per las regions occitanas ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari