Actualitats
Imperialisme lingüistic a Marselha
Lo cònsol FN del 7n sector a enebit als agents municipals d’emplegar una autra lenga que lo francés
Stéphane Ravier, cònsol FN del 7n sector de Marselha, que correspond als 13n e 14n arredondiments, a adreiçat una circulara a sos foncionaris per lor enebir de parlar “una autra lenga que lo francés”. Lo cònsol justifica aquela decision per de planhs de personas que se sentisson “exclusas o discriminadas”. Pasmens, l’administracion dels 13n e 14n arredondiments a pas jamai enregistrat aqueles planhs, segon çò que rapòrta Mediapart.
Dins son tèxt, l’elegit a las darrièras municipalas remembra que “la lenga de la Republica es lo francés” en tot citar l’article 2 de la Constitucion francesa, e apond: “en consequéncia, es enebit l’usatge d’una lenga autra que lo francés per leis agents en servici, especialament dins lei centres sociaus o d’animacion”.
La sola excepcion d’aquel mandat es “dins lei rapòrts amb d’usatgiers de nacionalitat estrangiera que parlen pas francés”. Ansin totes los agents auràn pas drech de parlar cap d’autra lenga que la constitucionala quand parlen entre eles o quand parlen als administrats. “Caudrà pausar de microfòns pertot?”, çò se demandèt un foncionari marselhés, citat per Mediapart.
Caldriá que los occitanofòns faguèssem de denóncias per nos sentir excluses o discriminats, per far evidentas las politicas lingüisticas de dos peses, doas mesuras.
Dins son tèxt, l’elegit a las darrièras municipalas remembra que “la lenga de la Republica es lo francés” en tot citar l’article 2 de la Constitucion francesa, e apond: “en consequéncia, es enebit l’usatge d’una lenga autra que lo francés per leis agents en servici, especialament dins lei centres sociaus o d’animacion”.
La sola excepcion d’aquel mandat es “dins lei rapòrts amb d’usatgiers de nacionalitat estrangiera que parlen pas francés”. Ansin totes los agents auràn pas drech de parlar cap d’autra lenga que la constitucionala quand parlen entre eles o quand parlen als administrats. “Caudrà pausar de microfòns pertot?”, çò se demandèt un foncionari marselhés, citat per Mediapart.
Caldriá que los occitanofòns faguèssem de denóncias per nos sentir excluses o discriminats, per far evidentas las politicas lingüisticas de dos peses, doas mesuras.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
« Caldriá que los occitanofòns faguèssem de denóncias per nos sentir excluses o discriminats, per far evidentas las politicas lingüisticas de dos peses, doas mesuras. » Caldriá subretot que totes los electors que vòtan per un ultradreitista prengan un jorn o l'autre la mesura e la consequéncia de sos actes. Me semblan pro naturalas las presas de posicions xenofòbas (contra l'occitan entre autre) d'aquela mena de politicians, estant la natura de l'ideologia que sostenon. Un partit racista fa necessariament dos peses e doás mesuras. Pòt pas far res mens… Se Marselha (o tota autra ciutat) se causís de representants aital, aurà la politica que s'amerita. Res mens…
#11 Hacareul!* Anem far una liga de defensa del patés de mon barri!
* Es atal que disèm "Macarèl" nautres.
S'èron un pauquenet coerents F.Morvan, la "Libre Pensée" ( e autres avatars de l'OCI ), Chevènement ( que formèt intellectualament mai d'un cadre delh FN ), Guaino e quauques autres aurián jà felicitat lo triste sénher Ravier. Mélenchon pensa totjorn que "le français est la langue de la liberté"?
#4 L'integrisme es l'integrisme, siá religiós, de la autoproclamada "liura pensada" o dels Le Pen. I a pas que de veire los responsables politics que son passats del "chevenementisme" al "lepenisme" per ne citar que los mai famoses.
Dins la meteissa dralha (s'agis pas d'un conse FN, mas UMP...), es enebit de desplegar ostensiblament las bandièras "estrangièras" dins lo cor de vila de Niça pendent la copa del monde... es curios, prenguèt pas aquesta decision del temps qu'Itàlia, Portugal, Anglatèrra, Espanha, èran en competicion! Me triga de veire cossi faràn respectar aquel arrestat!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari