Dimenge passat, 29 de junh, foguèt lo 1r jorn del mes de ramadan, lo noven mes del calendièr lunar islamic. Pendent tot aqueste mes fòrça musulmans practican lo juni de l’alba al solelh tremont. Alavetz, fins al 28 de julhet, fòrça mond practicaràn las activitats tradicionalas e religiosas del ramadan, tanben per Occitània tota.
Lo fach mai conegut del ramadan es lo juni que practican los musulmans de l’alba al solelh colc. A las personas que lo vòlon practicar, lor cal s’absténer de manjar, de beure, d’aver de relacions sexualas, de fumar e de se pimponar fins al ser. O devon pas far las personas malautas, los enfants, los vièlhs, las femnas qu’an las règlas, las femnas prenses e las qu’alachan lors enfants.
L’ora de començar lo juni, e l’ora de l’acabar, dependon fòrça de la latitud, e cal consultar l’ora exacta de las pregàrias, los junis, e mai l’iftar qu’es lo moment mai especial de cada jornada.
L’iftar es lo repais del ser amb lo qual lo juni s’arrèsta. Normalament los musulmans partejan çò que manjan e passan lo temps amassa.
En tornar del trabalh o de l’escòla, s’aprèsta l’iftar e se comença a manjar quora s’entend l’apèl del maghrib (solelh colc). Segon la tradicion, cal arrestar lo juni en manjant de dàtils e en bevent de lach, ja que Maomet o fasiá aital, e perque cal recuperar los nivèls de sucre del sang. Se manja tanplan de sopas.
Après manjar, lo mond fan la pregària del maghrib en seguissent l’apèl. Qualques personas, las mai devòtas, s’estiman mai de pregar abans de manjar.
La jornada comença amb un dejunar abans l’alba. La majoritat dels musulmans tornan al lièch e se tornan levar pus tard.
En mai del juni, pendent aquestes jorns, los musulmans son pus sensibles per evitar l’asirança e las immoralitats; lo ramadan es un temps per la compassion e la pregària. Los musulmans practicants participan normalament a las orasons comunautàrias de las mosquetas. De còps, i van lèu per i far l’iftar en comun.
Los darrièrs jorns e l’endeman del ramadan son de jorns de jòia, que se cal abilhar amb de vestits nòus e far de presents als mai pichons. Se tracta d’una celebracion fòrça semblabla al Nadal tradicional occitan.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 Marces per los filmonets.
Un amic m'eispliquet que per los mulsulmans d'Iran (per balhar una indicacion de la brancha dins la creiança), es mielhs de se far copar las colhas e viure coma 'na femna que non pas estre gai e viure coma aquò ; es una istòria de metre la persona dins lu sens de la volontat daus diaus, afe, aquí dau diau.
La velha qu'èri a un repaish de quartièr dab ua vesia musulmana de Guinea Conacrí. Que'ns amusèm a detectar las pizzas shens camajon e que's hartèm de tot çò qui lo monde avèn portat de "bon". Après que'm digó que l'endoman ne minjaré pas e ne beveré pas dinc au só-coc. Que passèm un bon moment...
#2 E se pòt apondre que dins d'unis paises se pòt essser transexual, musulman, far lo iftar (repais de rompedura del juni) e que tot lo mond te portan respect. (Aquò's segur es pas frança)
Un bel exemple convivençia qu'es pas séguit per totis. Plan perda.
Cal apondre que devèrs 15 -20 milhons d'Alevis fan pas lo juni, mai los atéist, mai los que s'en foton.
Pr'aquò tot lo mond s'acampa per festejar lo "Bayram Şekers" repais que marca la fin del ramadan.
#2 E ben lo rapòrt es que s'agis del iftar ont lo mond se dison un bon ramazan (ramadan)
#1
Vesi pas lo rapòrt entre l'article que parla del ramandan e vòstre comentari a prepaus de ''la mai granda diva transexuala de Turquia''. Nos'n pòdes dire mai Antalya ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari