Actualitats
Mobilizacion a Murèth per salvar l’occitan al collègi
Los calandrons perdràn lor drech d’aver la lenga del país dins lors estudis de segondària
Los escolans occitanofòns de Murèth son a protestar per revendicar lor drech de far los estudis dins la lenga del país fins al bachelierat. Los calandrons de CM2, es a dire, aquelas dròllas e aqueles dròlles qu’an fach l’ensenhament primari en occitan, an vistas refusadas totas las derogacions per s’inscriure al Collègi Bétance de Murèth en seccion bilingüa, e aital seguir l’ensenhament segondari, tanben dins la lenga del país. Lo rectorat de l’Acadèmia de Tolosa a l’objectiu de barrar aquela seccion bilingüa del collègi.
Los cinc calandrons que deurián contunhar lors estudis serián repartits a Carbona (Volvèstre), Autariba (Lauragués) e endacòm mai, e mai se, segon la Calandreta murethina, la seccion bilingüa del collègi murethin fonciona plan.
Demòra un petit espèr, bòrd que la direccion del collègi s’es mostrada favorabla a la continuitat de la seccion bilingüa. Totun s’es lançat una peticion en linha per rassemblar de sostens e far pression sus l’Acadèmia de Tolosa.
“Me sembla que caleré sauvar un trabalh de quate ans que hèc frut. Los pichons murethins occitanofòns an dreit a l’occitan a Murèth de la mairala au bachelierat. Cau que lo remirable trabalh de la Calandreta se pòsca prolongar après lo CM2”, çò afirma Fabiana Santos, copresidenta de la Calandreta del País Murethin.
_____
Peticion en linha: Salvem las classas bilingüas francés-occitan del Collègi Bétance de Murèth
Los cinc calandrons que deurián contunhar lors estudis serián repartits a Carbona (Volvèstre), Autariba (Lauragués) e endacòm mai, e mai se, segon la Calandreta murethina, la seccion bilingüa del collègi murethin fonciona plan.
Demòra un petit espèr, bòrd que la direccion del collègi s’es mostrada favorabla a la continuitat de la seccion bilingüa. Totun s’es lançat una peticion en linha per rassemblar de sostens e far pression sus l’Acadèmia de Tolosa.
“Me sembla que caleré sauvar un trabalh de quate ans que hèc frut. Los pichons murethins occitanofòns an dreit a l’occitan a Murèth de la mairala au bachelierat. Cau que lo remirable trabalh de la Calandreta se pòsca prolongar après lo CM2”, çò afirma Fabiana Santos, copresidenta de la Calandreta del País Murethin.
_____
Peticion en linha: Salvem las classas bilingüas francés-occitan del Collègi Bétance de Murèth
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 e òc.
Eleccions européencas 2014.
Ciutat de Murèth.
Lista "Occitània, per una Europa dels pòbles" : 0 votz
http://www.interieur.gouv.fr/Elections/Les-resultats/Europeennes/elecresult__ER2014/(path)/ER2014/04/073/031/031395.html
...A Mureth, se n'i a d'occitanistas, an portat ua lista sucusalista pro-francesa. E ara, los francofiles de Mureth vòlen deishar barrar una classa occitana ? i a pas de que s'estonar : l'abséncia d'ua volontat occitana revendicativa prigonda dins las urnas los balha rason. Murèth qu'ei plan francofila, lo resultat de las urnas ac mostra. Alavetz, los jaconbins se pensan legitimas entà s'atacar a l'occitan en deishar barrar aquesta classa occitana. Tot simplament.
...èra pas la pena de hèr tot aqueth rambalh "occitanista" a prepaus de la batailha de Murèth l'an passat (1213-2013) ! quin pecat...
« Lo rectorat de l’Acadèmia de Tolosa a l’objectiu de barrar aquela seccion bilingüa del collègi (…)
Los cinc calandrons que deurián contunhar lors estudis serián repartits a Carbona (Volvèstre), Autariba (Lauragués)… » Donc lo Rectorat sembla se substituïr a la volontat politica de la majoritat dels elegits democratics e, segond punt, mandar d'escolans bilengas a Autariba, per i trabalhar ieu, sus plaça, ne pòdi atestar, val de los mandar cap a un collègi ont lor especificitat, non serà pas possible de la préner en carga. Tal val dire que lor es refusat de contunhar son escolaritat especifica. Los vièlhs demònis jamai non crèban ?
El més natural és que els infants i adolescents estudiin en la llengua del seu país. No del seu estat, sinó del seu país. No de l'Imperi Francès, o de la Unió Europea, o de la Societat de Nacions, no. Del seu país. No sé si s'entén.
Votar occitants = defensar occitans.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari