Actualitats
An interromput lo parlament andalós en cantant de flamenco contra la corrupcion e la tròica
Tres membres del collectiu FLO6x8 aucèron lors sieus cants contra la tròica, los licenciaments e la corrupcion politica
Una estonanta accion de protèsta interrompèt lo 25 de junh passat la session del parlament autonomic d’Andalosia. Mentre que la pòrtavotz del partit socialista parlava, un cant se levèt dempuèi la tribuna del public e totes demorèron espantats. Èra una cantaira de flamenco, membre del collectiu FLO6x8, que cantava contra la corrupcion e la tròica. Lo president de la cambra ordenèt d’expulsar la cantaira, e quand se reprenguèt la session, un autre cant se levèt. Aqueste còp èra un cantaire que cantava contra los politicians corromputs e demandava que tornèsson l’argent qu’an panat. Un còp expulsat aquel cantaire, tanben membre del collectiu FLO6x8, s’aucèt encara un autre cant. Vejatz lo vidèo de l’accion:
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Genhèèèèc!!!!
Que transmeti aus collègas d'espanhòu deu GFEN!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari