Actualitats
Niça: an interdich totas las bandièras levat la francesa pendent la Copa del Mond de fotbòl
Se cèrca aital de criminalizar la comunautat argeriana
Lo cònsol UMP de Niça, Christian Estrosi, a interdich “l’utilizacion ostentatòria” de totes los drapèls que sián pas lo francés dins lo centre vila pendent que se debana la Copa del Mond de fotbòl en Brasil. Aqueste arrestat s’estend fins al dimenge 13 de julhet, e cèrca de “mantenir l’òrdre e la tranquillitat publica e evitar lu desbordaments coma aquelu que si debanèron la nuech dau 26 au 27 de junh dins l’aglomeracion parisenca, dins la region lionesa, a Marselha o dins lo Nòrd [de França]”, çò explica lo comunicat municipal.
Amb aquesta mesura, Estrosi a contribuit a la criminalizacion de la comunautat argeriana e de las mòstras de jòia que seguiguèron la classificacion de l’esquipa d’Argeria dins fòrça vilas de l’estat francés, dont qualques unas s’acabèron amb d’incidents e de susmautas.
Pasmens, las mòstras de jòia esportiva de la comunautat argeriana se tornaràn pas debanar, après que l’esquipa d’Alemanha eliminèsse la còla argeriana diluns passat.
Amb aquesta mesura, Estrosi a contribuit a la criminalizacion de la comunautat argeriana e de las mòstras de jòia que seguiguèron la classificacion de l’esquipa d’Argeria dins fòrça vilas de l’estat francés, dont qualques unas s’acabèron amb d’incidents e de susmautas.
Pasmens, las mòstras de jòia esportiva de la comunautat argeriana se tornaràn pas debanar, après que l’esquipa d’Alemanha eliminèsse la còla argeriana diluns passat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Sabi pas, ai pas ges de responsa pesqué finalament me soi pas informat sus çò que s'èra pogut passar, mes me sembla que s'una manifestacion de jòia de las que pòdon seguir un match de football te mete un tal rambalh es pro ben clar que i a una reaccion a quicòm.
Me semblava que dire "l'extremisme de de quinas gents" es un pauc magre e foscòt, antal coma de dire "las tensions socialas" coma un daquòs qu'es aqui plantat dins la societat, sens encausa ni liam ambe çò s autre, justament o torni escriure ai pas de responsa mes totjorn avèm a ensajar de nos furar un pauc devèrs las encausas de tot aquò. Aquò, los incidents, las susmautas, deu pas èstre de monde que s'an lo passatemps de menar rambalh per se regaudinar, aqui dejost i a tant e mai de misèria, una classa sociala miserabla a la fes emmaliciada e muda. Sabi pas...
Desolat #2 mas per carrièras senti ont siáu de tensions socialas creissentas : mai d'agressivitat rotiera, mens de gents pacients, de monde que romègan facil...
#2 A ieu, m'agradariá d'o saber, mai bensai avètz de respònsas precisas.
Viètd'ase que crane pais qu'i vivèm dedins !
#1 noirida per l'extremisme dei gents qu'assajan de far degenerar [...] en susmautas
e qual son aquel monde ?
e qu'es aquel "extremisme" ?
e perqué ensajan de fotre de trebolèri ?
Cal èstre clar... parlar a la fosca es enganaire.
Decision absurda, chauvinista, racista e e xenofòba, de segur, mai pasmens noirida per l'extremisme dei gents qu'assajan de far degenerar de manifestacions de jòia populara en susmautas. Certans avián paur d'una partida de fotbòl França-Argeria, e a ieu m'inquieta lo clima potenciau de guèrra civila qu'existís dins certans parçans. Ven a l'occitanisme, a mon vejaire, de prepausar una societat dobèrta que permeta de luchar còntra lei chauvinismes e lei crispacions identitàrias.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari