Actualitats
E se foguèssem sirians?
Un sit wèb aplica las terriblas consequéncias de la guèrra en Siria als païses del G7
Fa tres ans e mièg que lo regim de Bashshar Al Assad e l’eterogenèa oposicion siriana se liuran a una guèrra totala. Tres ans de conflicte armat e de crisi umanitària de las proporcions grandas: se calcula que 160 000 abitants, majoritàriament de civils, i an perduda la vida e a mai de nòu milions lor a calgut fugir. E, mentretant, lo Mond o agacha sens i far pas res. Es çò que creson los autors de If We Were Syrian, un sit web qu’aplica las donadas del conflicte sirian als sèt païses mai industrializats del Mond.
En comparant amb los sèt estats que constituisson lo G7 (Alemanha, Canadà, los Estats Units, França, la Grand Bretanha, Itàlia e Japon), los autors vòlon “partejar e umanizar los terribles nombres de mòrts e de desplaçats en Siria, e qu’òm pòt aver de mal d’imaginar s’òm viu dins un certan nivèl de seguretat e de riquesa”.
“Se nos imaginam graficament cossí un conflicte coma lo de Siria poiriá afectar los nòstres païses, segur que nos implicarem plan mai amb la populacion siriana.” Aqueste supòrt, los lançaires del sit web lo veson dins de fiuladas sus Twitter per denonciar la situacion que se viu dins aquel país, dins un messatge per far pression suls representants politics o dins una donacion economica a d’organismes que trabalhan amb la populacion siriana.
En comparant amb los sèt estats que constituisson lo G7 (Alemanha, Canadà, los Estats Units, França, la Grand Bretanha, Itàlia e Japon), los autors vòlon “partejar e umanizar los terribles nombres de mòrts e de desplaçats en Siria, e qu’òm pòt aver de mal d’imaginar s’òm viu dins un certan nivèl de seguretat e de riquesa”.
“Se nos imaginam graficament cossí un conflicte coma lo de Siria poiriá afectar los nòstres païses, segur que nos implicarem plan mai amb la populacion siriana.” Aqueste supòrt, los lançaires del sit web lo veson dins de fiuladas sus Twitter per denonciar la situacion que se viu dins aquel país, dins un messatge per far pression suls representants politics o dins una donacion economica a d’organismes que trabalhan amb la populacion siriana.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Perqué Cana e Avinhon coma vilas en comparason ?
E se foguèssem sirians e que los sirans foguèssen franceses, es que nos ajudarián ? E qual decidirián d'ajudar ? Los que serián als òrdres del Pentagòn, los que serián totalitaristas religioses, o los que serián als òrdres de Russia ? Donar moneda es plan polit, e segurament plan necessari. Mas sens misèria generalizada butant los unes o los autres, sus plaça a se batre come de braus per cobra totas las micas (de moneda e de poder), benlèu aquesta guèrra auriá pas jamai acomençat. PEr començar, caldriá establir sus plaça la règla de Fontan : una lenga, un pòble, un estat. Puèi cladriá una revolucion mondiala contra lo capital per establir l'egalitat sus tèrra. Un còp aquò pausat, per qué nos disputiram encara ? Per qué nos fariam guèrra ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari