Actualitats
Macau ven lo 4n “territòri” mai ric del Mond, davant Soïssa
En 2013, lo PIB per abitant foguèt de 91 376 dolars, solament davançats per Luxemborg, Norvègia e Qatar
La region administrativa de Macau, una de las doas regions administrativas especialas de la Republica Populara de China (l’autra es Hong Kong) es ja lo 4n territòri mai ric del Mond, al dire de la Banca Mondiala.
Las activitats economicas principalas de l’isla son l’esplecha de casinòs e lo torisme. Los jòcs d’argent son illegals en China, e tanben en Hong Kong, mas es pas lo cas de la RAE de Macau. Macau profechèt d’aquela situacion dempuèi 2002 per venir La Mèca dels jogadors, mai que mai dels chineses continentals.
Qu’es aquò Las Vegas?
L’indústria del jòc de Macau es 7 còps mai granda que la de Las Vegas. En 2013 l’indústria del jòc ganhèt en Macau 45 miliards de dolars. Las Vegas, per contra, ne ganhèt solament 6,5.
Macau, que foguèt portugués pendent 452 ans, foguèt tornat a China lo 20.12.1999. En aquel moment lo mercat dels casinòs de l’isla èra monopolizat per lo multimilionari hongkongués —mas installat en Macau dempuèi 194— Stanley Ho. Foguèt Pequin que decidiguèt de metre fin a aquel monopòli en 2002.
En 2004 Sands Macao venguèt lo primièr casinò de propietat estrangièra de Macau.
En 2007 dobriguèt las pòrtas Venetian Macao, lo casinò mai grand del Mond e lo 3n immòble mai grand del Mond. Lo còst de la construccion de l’ostalariá-casinò The Venetian foguèt de 2,4 miliards de dolars. Valguèt lo còp, ça que la, dos tèrces dels beneficis de Las Vegas Sands venon de Macau. Las Vegas per Las Vegas Sands es pas tant important qu’aquò.
Al dire de Finantial Times, dempuèi que Macau es tornat a China son economia es montada d’un 557%.
Los operators del jòc principals de l’isla son Sheldon Adelson (Sand China), Wynn Macau, e Stanley Ho (Sociedade de Jogos de Macau).
Manèl Zabala
Las activitats economicas principalas de l’isla son l’esplecha de casinòs e lo torisme. Los jòcs d’argent son illegals en China, e tanben en Hong Kong, mas es pas lo cas de la RAE de Macau. Macau profechèt d’aquela situacion dempuèi 2002 per venir La Mèca dels jogadors, mai que mai dels chineses continentals.
Qu’es aquò Las Vegas?
L’indústria del jòc de Macau es 7 còps mai granda que la de Las Vegas. En 2013 l’indústria del jòc ganhèt en Macau 45 miliards de dolars. Las Vegas, per contra, ne ganhèt solament 6,5.
Macau, que foguèt portugués pendent 452 ans, foguèt tornat a China lo 20.12.1999. En aquel moment lo mercat dels casinòs de l’isla èra monopolizat per lo multimilionari hongkongués —mas installat en Macau dempuèi 194— Stanley Ho. Foguèt Pequin que decidiguèt de metre fin a aquel monopòli en 2002.
En 2004 Sands Macao venguèt lo primièr casinò de propietat estrangièra de Macau.
En 2007 dobriguèt las pòrtas Venetian Macao, lo casinò mai grand del Mond e lo 3n immòble mai grand del Mond. Lo còst de la construccion de l’ostalariá-casinò The Venetian foguèt de 2,4 miliards de dolars. Valguèt lo còp, ça que la, dos tèrces dels beneficis de Las Vegas Sands venon de Macau. Las Vegas per Las Vegas Sands es pas tant important qu’aquò.
Al dire de Finantial Times, dempuèi que Macau es tornat a China son economia es montada d’un 557%.
Los operators del jòc principals de l’isla son Sheldon Adelson (Sand China), Wynn Macau, e Stanley Ho (Sociedade de Jogos de Macau).
Manèl Zabala
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E qual es lo teritòri mai paure del mond ? D'ont li ven sa pauretat ? E se correspond correlàriament a una pauretat culturala ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari