Lo parlament rus aprovèt divendres passat la remesa de 90% de çò que Cuba deviá a Russia, qu’una partida es eiretada del deute qu’aviá amb l’anciana Union Sovietica. Del total de 25,89 miliards d’èuros que deviá l’illa caribenca, ne deurà solament pagar 2,6, e Russia s’engatja, mai que mai, a reïnvestir aquel montant en Cuba.
 
Aquò es la remesa mai granda que Russia a jamai fach, e en percentatge, una de las mai grandas de l’istòria del Mond.
 
Russia e Cuba foguèron aliats pendent la Guèrra Freja, mas après la casuda de la Cortina de Fèrre, las relacions entre los dos estats venguèron mai frejas fa gaire. A l’ora d’ara Putin cèrca de recuperar l’influéncia qu’aguèt dins aquela zòna.