Lo torista brave, la comerçanta còrsa, Hubert Tempête, lo còrs vertadèr, l’especulator, la caishèra de supermercat, lo professor de còrs: aquiu quauques uns deus  “portrèits de Corsega de uei” de la sèria Facciacce. Aquesta sèria de vidèos cortets realizada en còrs jostitolat en francés qu’ei difusada sus la cadena Via Stella e produsida en partenariat dab France 3 Corse.
 
Los 88 episòdis que’s pòden véder sus Youtube.com o suu sit de l’emission Facciacce.com . La sèria, en cors de producion, qu’ei prevista tà’n har 180.
 
Aquestes portrèits que son plens d’un umor acid e que parlan shens tabó de la societat còrsa de uei e deus sons problèmas (la màfia tanben qu’i ei caricaturada). E que coneish un brave succès: la cadena Youtube de la sèria qu’a avut mei de 130 000 visitas e cèrts vidèos que son estats jogats mei de 10 000 còps.
 
Si cèrts episòdis permeten de descobrir causas especificament còrsas, hèra d’autes que remandan a problematicas qui son comunas a Corsega e Occitània com l’ensenhament de la lenga (lo professor de còrs que poderé estar un professor d’occitan!), lo torisme, la corrupcion, etc.
 
 
 
 
Pascau Sebat